கின்னஸ் சாதனை படைத்த ஒரே உடலில் 2 முகங்களை கொண்ட பூனை!

அமெரிக்காவை சேர்ந்த பூனை ஒன்று கின்னஸ் சாதனை படைத்துள்ளது. பிராங் மற்றும் லூயி என பெயரிடப்பட்டுள்ள இந்த பூனைக்கு உடல் ஒன்று என்றாலும், தலை மட்டும் இரண்டு.

இந்த பூனை என்ன தான் அப்படி சாதனை செய்தது என நீங்கள் கேட்கலாம். இந்த பூனை 2 முகங்களுடன் கடந்த 12 ஆண்டுகளை கடந்துள்ளது. அதாவது மனிதனைத் தவிர வேறு எந்த உயிரினமும் இவ்வளவு ஆண்டுகள் இதுபோன்ற மாறுபட்ட உருவத்துடன் வாழ்ந்தது இல்லையாம்.

நேற்று தனது 12வது பிறந்தநாளை கொண்டாடியது இந்த பூனை. இதை செல்லமாக வளர்க்கும் அதன் உரிமையாளர் மார்ட்டி ஸ்டிவென்ஸ் இதுகுறித்துக் கூறுகையில், இந்த பூனையின் முன்னாள் உரிமையாளர் இதை விகாரமாக இருப்பதாக கருதி, வீட்டை விட்டு துரத்திவிட்டார்.

2 முகங்கள் இருந்தாலும், அதற்கு 3 கண்கள் மட்டுமே உள்ளன. இதில் 2 கண்களால் மட்டும் பார்க்க முடியும். ஆனால் எல்லா நாசித் துளைகளாலும் சுவாசிக்க முடியும். இதே உருவத்தை கொண்ட கிரேக்க கடவுளான ஜனஸ்சின் பெயரே இதற்கு பெயராக இடப்பட்டுள்ளது.

பல உடல் குறைபாட்டுடன் தவிக்கும் இந்த பூனையை பராமரிப்பது கடினம். ஆனால் தினமும் அது உயிரோடு இருப்பதற்காக நான் கடவுளுக்கு நன்றி சொல்ல மறப்பதில்லை, என்றார்.

English summary

Frank and Louie - an American cat born with two faces - has made it into the Guinness Book of World Records after celebrating his 12th birthday. Frank and Louie can only see out of 2 of his 3 eyes but both of his noses work.