சினிமா எக்ஸ்பிரஸ் ஆசிரியர் ஆர். சிவகுமார் மாரடைப்பால் மரணம்
மதுரை: சினிமா எக்ஸ்பிரஸ் ஆசிரியர் ஆர். சிவகுமார் மாரடைப்பால் மரணமடைந்தார்.
தி நியூ இந்தியன் எக்ஸ்பிரஸ் குழுமத்தில் இருந்து வெளிவரும் பல்வேறு இதழ்களில் ஒன்று சினிமா எக்ஸ்பிரஸ். இதன் ஆசிரியராக ஆர். சிவகுமார் (49) பணியாற்றி வந்தார். மேலும் தமிழன் எக்ஸ்பிரஸ் இதழிலும் சிறிது காலம் ஆசிரியராகப் பணியாற்றினார்.
கடந்த இரு நாட்களுக்கு முன்பு சுவாசக் கோளாறு ஏற்பட்டு, மூச்சுத் திணறல் காரணமாக சென்னையில் உள்ள ஒரு தனியார் மருத்துவமனையில் அனுமதிக்கப்பட்டு சிகிச்சை பெற்று வந்தார்.
இந்த நிலையில் இன்று காலை அவருக்கு திடீர் மாரடைப்பு ஏற்பட்டது. இதையடுத்து அவருக்கு தீவிர சிகிச்சை அளிக்கப்பட்டது. ஆனால் அவர் சிகிச்சை பலனின்றி உயிரிழந்தார்.
ஆர்.சிவகுமாருக்கு ஒரு மனைவி, ஒரு மகன், ஒரு மகள் உள்ளனர்.
ஆர். சிவகுமார் மறைவுக்கு தமிழகத்தின் பல்வேறு பத்திரிக்கையாளர்களும், திரைப்பட துறையைச் சேர்ந்தவர்களும் ஆழ்ந்த இரங்கலை தெரிவித்துள்ளனர்.
மேலும், கரூர் பிரஸ் கில்டு சார்பில் அதன் செயலாளர் கே.என். வடிவேல் தலைமையில் நிர்வாகிகள் மவுன அஞ்சலி செலுத்தினர்.
Click it and Unblock the Notifications
Sign in with Google