ஸ்ரீகிருஷ்ணா ஸ்வீட்ஸ் உரிமையாளர் கிருஷ்ணனுக்கு கெளரவ டாக்டர் பட்டம்
கோவை : ஸ்ரீகிருஷ்ணா ஸ்வீட்ஸ் உரிமையாளர் கிருஷ்ணனுக்கு, கோவை கற்பகம் பல்கலைக்கழகம் கெளரவ டாக்டர் பட்டம் வழங்குகிறது.
கோவை ஸ்ரீகிருஷ்ணா ஸ்வீட்ஸ் நிறுவனம், குறை ஒன்றுமில்லை, எப்ப வருவாரோ, வல்லமை தாராயோ , கண்மணி கதைகேளு , நலம் தானா, உடலும் உள்ளமும் போன்ற தலைப்புகளில் பொழுதுபோக்கு அம்சம் நிறைந்த விழிப்புணர்வு நிகழ்ச்சிகளை நடத்தி வருகிறது.
இதில், ஆன்மிகம், கலாசாரம், பண்பாடு ஆகியவற்றை போற்றும் வகையில், ஒவ்வொரு வாரமும் நிகழ்ச்சிகள் நடந்து வருகின்றன. தொழில்துறையில் சாதனை புரிந்தது மற்றும் சமுதாயத்திற்கு நிறைய சேவைகளை செய்தல் என்ற அடிப்படையில், ஸ்ரீகிருஷ்ணா ஸ்வீட்ஸ் உரிமையாளரும், இந்திய தொழில் வர்த்தக சபைத் தலைவராகவும் உள்ள கிருஷ்னணுக்கு சிறப்பு டாக்டர் பட்டம் வழங்கப்படுகிறது.
இந்த பட்டமளிப்பு விழா , அக்டோபர் 3ம் தேதி, கற்பகம் பல்கலைக் கழகத்தில் நடைபெறுகின்றது. இவருடன், ஷேன்பிட் பவுண்டரி தலைவர் வரதராஜன் மற்றும் பெங்களூரு வாழுங்கலை அருள்மாதவன் ஆகியோருக்கும் சிறப்பு டாக்டர் பட்டம் வழங்கப்பட உள்ளது. சிறப்பு டாக்டர் பட்டங்களை, கற்பகம் பல்கலைக்கழக வேந்தர் வசந்தகுமார் வழங்குகிறார்.
Click it and Unblock the Notifications
Sign in with Google