60 வயது தாத்தாவை மணக்கும் 85 வயது ஸ்பெயின் கோடீஸ்வர பாட்டி
ஸ்பெயின் நாட்டை சேர்ந்தவர் மரியா டேல் ரோசரியோ. 85 வயதாகும் இந்த மூதாட்டிக்கு சொந்தமாக ஏராளமான அரண்மனை, பங்களா, ஹோட்டல்கள் என கோடிக்கணக்கான சொத்துகள் உள்ளன. இதுவரை 2 ஆண்களை மணந்த மரியாவுக்கு, 5 மகன்களும், 1 மகளும், 8 பேரப் பிள்ளைகளும் உள்ளனர்.
சமீபத்தில் இவர்கள் ஒவ்வொருவருக்கும் சொத்துகளை பகிர்ந்து கொடுத்த மரியா, மீண்டும் திருமணம் செய்ய முடிவு செய்துள்ளனர். அதுவும் தன்னைவிட 24 வயது இளையவரான சமூக பாதுகாப்பு துறையில் பணியாற்றும் அரசு ஊழியரை மணக்க உள்ளனர்.
தற்போது 60 வயதை எட்டியுள்ள மணமகன் அல்போன்சோ டிஸ் காராபன்டீஸ், உடன் 3 ஆண்டுகளாக பழகிய பிறகே மரியா இந்த முடிவிற்கு வந்ததாக தெரிகிறது.
வரும் அக்டோபர் மாதம் நடத்த திட்டமிட்டுள்ளாத அறிவிக்கப்பட்டுள்ள இந்த திருமணத்திற்கு மரியாவின் வீட்டினர், உறவினர், ஸ்பெயின் மன்னர் ஜூயான் கார்லோஸ்-1 உட்பட பலரும் எதிர்ப்பு தெரிவித்துள்ளனர்.
திருமண நிகழ்ச்சியில் இடமில்லாமல் போகலாம் என்பதால், தனது நெருங்கிய நண்பர்களுக்கு மட்டுமே அழைப்பு விடுத்துள்ளேன். ஆனால், திருமண நிகழ்ச்சியின் போட்டோக்கள் அனைத்து மீடியாக்களுக்கும் வழங்கப்படும் என மரியா தெரிவித்துள்ளார்.
மரியா தனது 21 வயதில் கடற்படை அதிகாரி ஒருவரை மணந்தார். இந்த திருமணத்திற்காக, 2 மில்லியன் யூரோக்களை செலவழித்தார். அவரது இறப்பிற்கு பின், 1978ல் மதப்போதகர் ஒருவரை மணந்தார். அவரும் கடந்த 2001ல் இறந்தார். அதன்பின் தற்போது 3வது முறையாக திருமணம் செய்ய உள்ளார். மரியா தனது இளம்வயதில் பலமுறை அழகு சிகிச்சைகளை மேற்கொண்டதால், அவரது உடல் பகுதிகள் அதிக பாதிப்படைந்துள்ளதாக தெரிகிறது.
Click it and Unblock the Notifications
Sign in with Google