உலகின் காஸ்ட்லி ஹேர்டைலிஸ்ட்: முடிவெட்டுவதற்கு 1000 டாலர் மட்டுமே!

உலகின் காஸ்ட்லியான ஹேர் ஸ்டைலிஸ்ட் என்ற பெருமையை தட்டிச் சென்றுள்ளார் ரோஷனோ ஃபெர்ரிட்டி. இவர் ஒரு நபருக்கு வசூலிக்கும் தொகை அதிகமில்லை 50 ஆயிரம் ரூபாய் ( 1000 டாலர் ) மட்டுமே. அப்படி என்ன இவரிடம் விசேசம் என்கிறீர்களா? மேற்கொண்டு படிங்க.

மனிதர்களின் முக அமைப்பிற்கு ஏற்ப முடிஅழகை அமைப்பது ரோஷனோ ஃபெர்ரிட்டியின் சிறப்பம்சமாகும். இவர் தனது சலூன் மற்றும் முடி திருத்தும் முறையில் முற்றிலும் அதிநவீன தொழில்நுட்பங்களை பயன்படுத்தி வருவது இவரின் மற்றொரு தனிச்சிறப்பாகும். இதன் காரணமாகவே உலகின் மிக காஸ்ட்லியான முடி திருத்துபவர்களாக கருதப்பட்ட ஷாலி ஹெர்ஸ்பெர்கர், ஃபிரிடேரிக் ஃபெக்காய் ஆகியோர் வரிசையில் தற்போது ரோஷனோ ஃபெர்ரிட்டி இணைந்துள்ளார்.

பெண் விஐபி கஸ்டமர்கள்

இளவரசி டயானா உள்ளிட்ட உலகின் மிகப் பெரிய பிரபலமான பெண் விஐபி க்களுக்கு இவர்தான் ஆஸ்தான முடி திருத்துபவர். ரோஷனோவிற்கு உலகம் முழுவதிலும் பல முக்கிய நகரங்களில் சலூன் உள்ளது. பாரிஸ், நியூயார்க், லாஸ் ஏஞ்சல்ஸ் உள்ளிட்ட 20 சலூன்களை இவர் இயக்கி வருகிறார்.

இந்தியாவில் ஏற்கனவே மும்பை நகரில் சலூனை துவங்கி விட்ட இவர், தற்போது குர்கானில் தனது 2வது கிளையை துவக்க உள்ளார். இவரது சலூனில் வேலை செய்யும் பணியாளர்கள் அனைவருக்கும் ரோஷனோவே நேரடியாக பயிற்சி அளிக்கிறார். இவர் முடி திருத்துவதற்கு ஒரு நபருக்கு வசூலிக்கும் தொகை 1000 டாலர்களாகும். அதாவது இந்திய ரூபாயின் மதிப்பில் ரூ.50,000 ஆகும். இதன்காரணமாக தற்போது இவர் தான் உலகின் மிக காஸ்ட்லியான முடி திருத்துபவராக கருதப்படுகிறார்.

English summary

In the world of costly cuts where a barber is a hairstylist, the $1,000 price tag is certainly hair raising but not unheard of. For some time now, stylists in the West have demanded, and got, anything upwards of $500 for a haircut. Names like Sally Hershberger, Fredereic Fekkai are almost as famous as the heads they tend to. Add Rossano Ferretti ahead of the pack as he set the bar high at $1,000.