ராஸ் அல் கைமாவில் கார்ஸ் குழுமம் ஏற்பாடு செய்த கிரிக்கெட் போட்டி

ராஸ் அல் கைமா : துபாயில் இருந்து சுமார் நூறு கிலோ மீட்டர் தொலைவில் உள்ளது ராஸ் அல் கைமா. இங்கு கார்ஸ் குழுமத்தின் சார்பாக கிரிக்கெட் போட்டி கடந்த 13-ம் தேதி மாலை நடைபெற்றது.

13 அணிகள் கலந்து கொண்ட இந்த போட்டி மாலை 5 மணிக்கு துவங்கி அதிகாலை 5 மணி வரை நடந்தது.

இப்போட்டியில் ஷார்ஜா, துபாய், ராஸ் அல் கைமா, ஃபுஜைரா, அல் கூஸ், அல் கிஸஸ் ஆகிய அணிகள் பங்கேற்றன. மொத்தம் 12 போட்டிகள் நடைபெற்றன.

இதில் அனைத்து அணிகளும் சிறப்பாக விளையாடின. இறுதிப் போட்டியில் ஷார்ஜா மற்றும் ராஸ் அல் கைமா அணிகள் மோதின. ராஸ் அல் கைமா அணியின் பந்து வீச்சில் ஷார்ஜா அணி விக்கெட்டுகள் மளமளவென விழுந்தன.

அந்த அணி 10 ஓவரில் 8 விக்கெட்டுகளை இழந்து 56 ரன்கள் மட்டுமே எடுத்திருந்தது. பின்னர் களமிறங்கிய ராஸ் அல் கைமா அணி சிறப்பாக விளையாடி 9 ஓவரில் 3 விக்கெட்டுகள் இழப்புக்கு 57 ரன்கள் எடுத்து அபார வெற்றி பெற்று கோப்பையை தட்டிச் சென்றது.

வெற்றி பெற்ற அணி வீரர்களுக்கும் மற்றும் அணியை சிறப்பாக வழி நடத்திச் சென்ற அதன் ஒருங்கிணைப்பாளர் அவர்களுக்கும் கார்ஸ் கம்பெனி தங்களது வாழ்துக்களை தெரிவித்துக் கொண்டது. மேலும் கார்ஸ் ராஸ் அல் கைமா மேலாளர் ஜனாப். ஹபிபுல்லாஹ் அவர்கள் தங்களது வாழ்த்துகளை தெரிவித்துக் கொண்டார்.

English summary

Cricket match was played in Ras Al Khaimah which is some 100 km away from Dubai. 13 teams participated in this match. Out of these Ras Al Khaimah team emerged winners.