இன்று ஷார்ஜாவில் இந்திய வர்த்தககுழு நடத்தும் ரத்ததான முகாம்

ஷார்ஜா: ஷார்ஜா இந்திய வர்த்தகக் குழு மற்றும் கேரள மருத்துவப் பட்டதாரிகள் சங்கம் ஆகியவை இணைந்து இன்று (29.03.2011) காலை 10 மணி முதல் மாலை 4 மணி வரை ரத்ததான முகம் ஒன்றை நடத்துகின்றன.

ஷார்ஜா இந்திய வர்த்தகக் குழுவின் நிர்வாகக்குழு உறுப்பினரும், கேரள மருத்துவப் பட்டதாரிகள் சங்கத் தலைவருமான டாக்டர் சன்னி குரியன் தலைமையில் இம்முகாம் நடைபெற இருக்கிறது. இந்த தகவலை இந்திய வர்த்தகக்குழுவின் இயக்குநர் ஜெனரல் ஸ்ரீ பிரியா தெரிவித்துள்ளார்.

இம்முகாம் ஷார்ஜா அல் கான் பகுதியில் உள்ள இந்திய வர்த்தக மற்றும் கண்காட்சி மையத்தில் நடைபெறுகிறது.

முகாமில் பங்கேற்போருக்கு நீரிழிவு மற்றும் இரத்த அழுத்தம் உள்ளிட்ட மருத்துவ சோதனைகளை செய்து கொள்வதற்கும் ஏற்பாடு செய்யப்பட்டுள்ளது.

இந்த ரத்ததான முகாம் குறித்து மேலும் விவரம் அறிய 06 5304404 எனும் தொலைபேசி எண்ணிலோ அல்லது [email protected]. எனும் மின்னஞ்சல் மூலமோ தொடர்பு கொள்ளலாம்.

English summary

The Indian Business and Professional Council of Sharjah, in association with Association of Kerala Medical Graduates (AKMG Emirates) and Blood Transfusion and Research Dept. Ministry of Sharjah are conducting a Blood Donation Camp on Tuesday 29th March, 2011 from 10 am till 4 pm. The camp is conducted at the India Trade and Exhibition Centre m.e , Al Khan , next to Sharjah Expo, Al Tawun R/A, Sharjah – UAE.