கோவையில் சர்வதேச கல்வி கண்காட்சி-நாளை துவங்குகிறது

By Chakra

Published: Tuesday, May 3, 2011, 11:39 [IST]

Subscribe to Oneindia Tamil

கோவை: சர்வதேச கல்வி கண்காட்சி கோவை தி ரெஸிடென்ஸி ஹோட்டலில் நாளை துவங்க இருக்கிறது.

வெளிநாட்டில் கல்வி

வெளிநாட்டு கல்வி நிறுவனங்களில் உயர் படிப்பு பயில விரும்பும் மாணவர்களுக்காக சர்வதேச கல்வி கண்காட்சியினை தி ஹிந்து நாளிதழ் ஏற்பாடு செய்துள்ளது.

கலந்து கொள்ளும் நாடுகள்

இங்கிலாந்து, சிங்கப்பூர், ஹாலந்து, துபை, ஜெர்மனி, கனடா, ரஷ்யா, நியூஸிலாந்து, மலேஷியா, ஆஸ்திரேலியா, பிரான்ஸ் மற்றும் ஏராளமான ஐரோப்பிய நாடுகளைச் சேர்ந்த கல்லூரிகள், பல்கலைக்கழகங்கள் இந்த கண்காட்சியில் கலந்து கொள்ள இருக்கின்றன.

சிறப்புரை

கல்வி கண்காட்சி அரங்கத்தில் வெளிநாட்டில் கல்வி பயில்வது குறித்த கருத்தரங்கமும் நடைபெற இருக்கிறது. பல்வேறு நாடுகளைச் சேர்ந்த கல்வியாளர்கள் பலரும் மாணவர்கள் மத்தியில் உரையாற்ற உள்ளனர்.

கோவை அவிநாசி சாலையில் உள்ள தி ரெஸிடென்ஸி ஹோட்டலில் நடைபெற இருக்கும் இந்த கல்வி கண்காட்சிக்கு இலவச அனுமதி வழங்கப்பட்டுள்ளது. மாணவர்கள் இந்த வாய்ப்பினைப் பயன்படுத்திக் கொள்ளலாம்.

Published On May 3, 2011