15ல் முதுகுளத்தூரில் அப்துல் கலாம் பங்கேற்கும் கல்வி விழிப்புணர்வு கலந்துரையாடல்

முதுகுளத்தூர்: முன்னாள் குடியரசுத் தலைவர் டாக்டர் ஏ.பி. ஜெ. அப்துல் கலாம் அவர்கள் கலந்து கொள்ளும் "கல்வி-அறிவியல் விழிப்புணர்வு கலந்துரையாடல் நிகழ்ச்சி" முதுகுளத்தூரில் வரும் 15-ம் தேதி நடக்கிறது.

முதுகுளத்தூரில் உள்ள பள்ளிவாசல் மேல் நிலைப்பள்ளி விளையாட்டு திடலில் "கல்வி-அறிவியல் விழிப்புணர்வு கலந்துரையாடல் நிகழ்ச்சி" வரும் 15-ம் தேதி நடக்கிறது. இதில் முன்னாள் குடியரசுத் தலைவரும், விஞ்ஞானியுமான அப்துல் கலாம் கலந்து கொண்டு பள்ளி மாணவ-மாணவிகளுடன் கலந்துரையாடுகிறார்.

இந்த நிகழ்ச்சியில் பள்ளிவாசல் மேல் நிலைப்பள்ளி மாணாக்கர் தவிர சுற்று வட்டாரப் பகுதிகளில் உள்ள பள்ளி மாணவ-மாணவிகளும் கலந்து கொள்ள ஏற்பாடு நடந்து வருகிறது.

நிகழ்ச்சிக்கான ஏற்பாடுகளை 56 பேர் கொண்ட குழு செய்து வருகிறது.

English summary

Former president Abdul Kalam attends education and science awareness discussion programme in Mudukulathur Pallivasal high school on september 15. Abdul Kalam is having a chat with the school students there.