பெண் குழந்தைகள் கல்வி நிதி: சச்சின் கொடுத்த டி சர்டை வழங்கிய மோடி

காந்தி நகர்: கிரிக்கெட் வீரர் சச்சின் உட்பட பலரும் தனக்கு அளித்த பரிசுப் பொருட்களை குஜராத் முதல்வர் நரேந்திர மோடி மாநில அரசின் பெண் குழந்தைகள் கல்வி நிதிக்காக வழங்கினார்.

குஜராத் முதல்வர் நரேந்திர மோடி தனக்ககுக் கிடைக்கும் பரிசுப் பொருட்களை ஏலத்தில் விடுவது வழக்கம். அந்த ஏலத்தில் கிடைக்கும் பணத்தை மாநில அரசின் பெண் குழந்தைகள் நிதிக்காக அளித்து விடுவார்.

கடந்த 2003 உலகக் கோப்பைக் கிரிக்கெட் போட்டியில் கலந்து கொண்ட சச்சின், 10ம் நம்பர் பொறிக்கப்பட்ட டி-சர்ட் அணிந்து விளையாடினார். இந்த நீல நிற டி-சர்ட்டை, கடந்த மே மாதம் குஜராத் முதல்வர் நரேந்திர மோடிக்கு பரிசாக அளித்தார் சச்சின்.

இந்தாண்டு கிடைத்த பரிசு பொருட்கள், நினைவு சின்னங்களை அரசு கருவூலத்திடம் மோடி ஒப்படைத்துள்ளார். இதில் சச்சின் கொடுத்த டி சர்டும் அடக்கம். மற்ற பரிசுப் பொருட்களுக்கு அடிப்படை விலை நிர்ணயிக்கப்பட்டுள்ளது. ஆனால் சச்சினின் டி சர்ட் விலை மதிப்பற்றது என்பதால் அதற்கு மட்டும் விலை நிர்ணயிக்கப்படவில்லை.

இந்த டி சர்டிற்கு அதிக விலை கிடைக்கும் என்று அதிகாரிகள் எதிர்பார்க்கின்றனர்.

கடந்த 10 ஆண்டுகளில் மோடி வழங்கிய பொருட்களை ஏலத்தில் விட்டதில் ரூ. 10 கோடி நிதி திரட்டப்பட்டுள்ளது.

கடந்த 10 ஆண்டுகளில் மட்டும் பெண் குழந்தைகள் கல்விக்காக ரூ. 48.78 கோடி நிதி திரட்டப்பட்டுள்ளது. அதில் ரூ.15.54 கோடி 42 ஆயிரம் பெண் குழந்தைகளின் கல்விக்காக செலவிடப்பட்டுள்ளது என்று அரசு அதிகாரிகள் தெரிவித்தனர்.

English summary

Gujarat CM Narendra Modi has given the T-shirt gifted to him by the master blaster Sachin Tendulkar to the government. Sachin worn this T-shirt in the 2003 world cup. Whoever gives gifts to Modi, he just donates them to the treasury. The gifts then will be auctioned and the money will be used for the girl children education.