இன்று முதல் மீண்டும் ஊட்டி மலை ரயில் சேவை: சுற்றுலாப் பயணிகள் மகிழ்ச்சி

குன்னூர்: இன்று முதல் மீண்டும் மேட்டுப்பாளையம்-ஊட்டி மலை ரயில் சேவை துவங்கவிருக்கிறது.

சுற்றுலாப் பயணிகளின் மனம் கவர்ந்த மேட்டுப்பாளையம்-ஊட்டி மலை ரயில் கடந்த செவ்வாய் அன்று தடம் புரண்டது. ரயிலில் இருந்த 200 பயணிகளும் பேருந்து மூலம் மேட்டுப்பாளையத்திற்கு அனுப்பி வைக்கப்பட்டனர்.

ரயில்வே பொறியாளர் ஆண்டோ தலைமையிலான ரயில்வே ஊழியர் குழு தடம்புரண்ட ரயிலை தண்டவாளத்தில் நிறுத்தும் முயற்சியில் ஈடுபட்டிருந்தது. இந்தப் பணி திங்கள்கிழமை வெற்றிகரமாக முடிவடைந்தது.

இதனை அடுத்து இன்று (செவ்வாய்கிழமை) முதல் மலை ரயில் சேவை துவங்க இருக்கிறது என்று ரயில்வே அதிகாரிகள் தெரிவித்தனர்.

English summary

Mettupalayam-Ooty train derailed last week and the problem in the track is sorted out. Hence, the train will start functioning again from today.