மூக்கு சொல்லும் சேதிகள்!

நமது உணர்ச்சிகளை வெளிப்படுத்துவதில் மூக்கின் பங்கு முக்கியமானது. கோபமோ, நாணமோ முதலில் சிவப்பது மூக்கின் நுனிதான். மூக்கு என்பது நம் முகத்தில் வெறும் அலங்காரத்துக்ககாக மட்டுமே என்று நினைத்துக் கொண்டிருக்கிறோம். ஆனால் மனிதர்களின் முக்கிய உறுப்புகளில் மூக்கும் ஒன்று.

இஸ்ரேலில் உள்ள பென்-குரியன் பல்கலைக்கழகத்தைச் சேர்ந்த பேராசிரியர் ஆப்ரகாம் தமிர் என்பவர் மனிதர்களுக்கு 14 விதமான மூக்குகள் உள்ளன என்று கண்டறிந்துள்ளார். தனது மாணவர்கள் துணையுடன் மனித மூக்குகள் குறித்து ஆராய்ச்சி மேற்கொண்ட ஆப்ரகாம் தமிர், பிறைவடிவிலான மெல்லிய மூக்கு, சதைப் பிடிப்பு மூக்கு, உருண்டை மூக்கு, ரோமன் மூக்கு என மொத்தம் 14 விதமான மூக்குகள் இருப்பதாக பட்டியலிட்டுள்ளார்.

மனிதர்களுக்கு எத்தனை வகை மூக்குகள் உள்ளன? என்பதை கண்டறியவே இந்த ஆராய்ச்சி மேற்கொள்ளப்பட்டது. மூக்கின் வடிவத்திற்கு தகுந்து மனிதர்களின் இயல்பினையும், உணர்வுகளையும் வெளிப்படுத்துவதாக அவர் தனது ஆய்வில் தெரிவித்துள்ளார்.

ரோமன் மூக்கு

நடிகர் டாம்குரூஸின் ரோமன் மூக்கிற்கு 9 சதவிகிதம் பேர் ஆதரவு தெரிவித்துள்ளனர். இந்த வகை மூக்கு உடையவர்கள் தெளிவான சிந்தனையும், உயர்ந்த லட்சியமும் கொண்டவர்கள் என்பது கண்டறியப்பட்டுள்ளது.

வளைந்த மூக்கு

ஹாரி பார்டர் கதாநாயகன் டேனியல் ராட்கிளிப் மூக்கிற்கு 9 சதவிகிதம் பேர் ஆதரவு தெரிவித்துள்ளனர். சற்றே வளைந்து காணப்படும் இந்த வகை மூக்கை உடையவர்கள் அமைதியான மனதுடன் கூடிய வர்த்தக ரீதியாக சிந்தனை உடையவர்கள் என்பது ஆய்வில் கண்டறியப்பபட்டுள்ளது.

சப்பை மூக்கிற்கு 5 சதவிகிதம் பேர் ஆதரவு தெரிவித்துள்ளனர். இது வெய்னே ரூனியின் சப்பை மூக்கு அநேகம் பேரை கவர்ந்துள்ளது.

ஓவியர்களை கவர்ந்த மூக்கு

இங்கிலாந்தின் இளவரசி கேட் மிடில்டனின் மூக்கு அனைவரையும் கவரக்கூடியதாக உள்ளது. ஓவியக்கலைஞர்கள் அனைவரும் விரும்புவது இந்த வகை மூக்கினைத்தான். சதைப் பிடிப்பிடிப்புள்ள மூக்குகள் ஆண்களிடம் தான் அதிகமாக காணப்படுகின்றன. இந்த மூக்குக்கு உதாரணம் கூற வேண்டுமானால், இளவரசர் பிலிப்பை சொல்லாம்.

மூக்கு பிளாஸ்டிக் சர்ஜரி செய்வதில் வல்லுநராக திகழும் சைமன் வித்தே என்பவர் அநேக பெண்கள் ஹாலிவுட் நடிகை ஏஞ்சலீனா ஜூலியின் மூக்கினைத்தான் அதிகம் விரும்புவதாக தெரிவித்துள்ளார். ஏஞ்சலீனாவின் மூக்கு பிரத்யேக வடிவமைப்பு கொண்டதாக உள்ளதே இதற்கு காரணம்.

அதிகம் விரும்பப்படும் மூக்கு

எந்த வகையான மூக்கை விரும்புகிறீர்கள் என்று பொதுமக்களிடம் நடத்தப்பட்ட கருத்துக்கணிப்பில் லேசாக வளைந்த பிறை வடிவ மூக்கை விரும்புவதாக 13 சதவீதம் பேர் கருத்து தெரிவித்துள்ளனர். நீண்ட மூக்கை பெரும்பாலானோர் விரும்பவில்லை. தடிமனான மூக்குக்கு 5 சதவீதம் பேர் மட்டுமே ஆதரவு தெரிவித்தள்ளனர்.

English summary

It is not often that he tops polls for his looks. But Wayne Rooney has one of the most attractive noses in the country, according to researchers. The Manchester United star’s nose – or rather its snub shape – has been deemed among the most appealing by an academic who has completed what he claims is the first survey of its type to classify and record the different shapes of the human nose.