வேளாங்கண்ணி ஆரோக்கிய மாதா சர்ச்சின் ஆண்டு திருவிழா துவக்கம்- சிறப்பு பஸ்கள்
நாகப்பட்டினம்: வேளாங்கண்ணியில் ஆரோக்கிய மாதா தேவாலய திருவிழாவை முன்னிட்டு தமிழக அரசு சிறப்பு பஸ்களை இயக்க உள்ளது.
வேளாங்கண்ணியில் உள்ள ஆரோக்கிய மாதா தேவாலயம், தமிழகத்தின் பிரபல கிறிஸ்துவ ஆலயங்களுள் ஒன்று. அங்கு ஆகஸ்ட் 27ம் தேதி முதல் செப்டம்பர் 12ம் தேதி வரை ஆண்டுத்தோறும் திருவிழா கொண்டாடப்படுகிறது. இதையடுத்து, தமிழகத்தின் மற்ற பகுதிகளை சேர்ந்தவர்கள், விழாவில் கலந்து கொள்ளும் வகையில், தமிழக அரசு சிறப்பு பஸ்களை இயக்க உள்ளது.
இதுகுறித்து, தமிழ்நாடு போக்குவரத்துக் கழகம் கும்பகோணம் பொது மேலாளர் வெளியிட்டுள்ள செய்திக்குறிப்பில், மாதா வேளாங்கண்ணி ஆலயத் திருவிழாவை முன்னிட்டு இம்மாதம் 27ம் தேதி முதல் அடுத்த மாதம் 12ம் தேதி வரை திண்டுக்கல், மணப்பாறை, திருச்சி, தஞ்சாவூர், பூண்டி மாதாகோவில், ஓரியூர், பட்டுக்கோட்டை, சிதம்பரம், புதுச்சேரி, சென்னை, காரைக்கால், நாகூர் ஆகிய ஊர்களில் இருந்து வேளாங்கண்ணிக்கு சிறப்பு பஸ்கள் இயக்கப்பட உள்ளன. இந்த வசதியை பொதுமக்கள் பயன்படுத்திக் கொள்ளலாம்.
இவ்வாறு அந்த செய்திக்குறிப்பில் தெரிவிக்கப்பட்டு இருந்தது.
Click it and Unblock the Notifications
Sign in with Google