தோழனா? எதிரியா?

பார்வையால் பலமுறை
நேசத்தை புரிய வைத்த நீ
உதடுகளால் ஒரு முறை கூட உச்சரித்ததில்லை….
கண்களால் ஆம் என்று சொல்லி
என் நெஞ்சைத் தொட்டவனும் நீதான்…
உதடுகளால் இல்லை என்று சொல்லி
எனைச் சுட்டவனும் நீதான்….
அன்று நமக்குள் அரை அடி தூர
இடைவெளி மட்டுமே இருந்தும்
அஹிம்சையால் எனை நீ ஹிம்சித்தாய்….
இன்றோ நம்மிடையே
பல நூறு மைல்கள் தூரம் இருந்தும்
அதிர்வெண் வீச்சுக்களால் ஹிம்சிக்கிறாய்….
யார் நீ?
நீரென்று தொடவும் முடியவில்லை….
நெருப்பென்று விலகவும் முடியவில்லை….
என் எதிரியா? தோழனா?
என் எதிரில் இருக்கும் போது
தோழனாய் இருந்த நீ
தூரத்தில் சென்றவுடன்
எதிரியானதன் மர்மமென்ன?

English summary

This poem tells about the pain of a love failure. Love failure causes sadness, but continuing in love helps us overcome it.