மிஸ் யுனிவர்ஸ் ஆவாரா வாசுகி சுங்கவல்லி?

மிஸ் யுனிவர்ஸ் 2011 பட்டத்தை வெல்லப் போவது யார் என்ற எதிர்பார்ப்பு படு சூடாகியுள்ளது. இந்திய அழகி வாசுகி சுங்கவல்லிக்கு பட்டம் கிடைக்குமா என்ற எதிர்பார்ப்பில் இந்தியர்கள் உள்ளனர்.

பிரேசிலின் சாவோ பாலோ நகரில் அழகிகள் கூட்டம் களை கட்டியுள்ளது. அத்தனை பேரும் மிஸ் யுனிவர்ஸ் பட்டத்தைப் பறிக்க குழுமியுள்ள பல்வேறு நாடுகளின் அழகிகளே இவர்கள்.

செப்டம்பர் 12ம் தேதி இறுதிப் போட்டி நடைபெறவுள்ளது. இதில் வாசுகி சுங்கவல்லி உள்ளிட்ட அழகிகள் பங்கேற்று பட்டத்தை வெல்ல முனையப் போகிறார்கள்.

மிஸ் இந்தியா வாசுகி சுங்கவல்லி ஹைதராபாத்தைச் சேர்ந்தவர். வக்கீலான இவர் மாடலிங்கும் செய்து வருகிறார். பட்டத்தை வெல்வதற்கு முனைப்புடன் உள்ள வாசுகிக்கு சினிமா கனவு எதுவும் இப்போது இல்லையாம். என்னைப் பொறுத்தவரை பாலிவுட்டோ அல்லது வேறு எந்தத் திட்டமோ என்னிடம் இல்லை. பட்டத்தை வெல்ல வேண்டும் என்பதில்தான் நான் முழுக் கவனத்தையும் வைத்துள்ளேன் என்றார்.

கடைசியாக 2000மாவது மிஸ் யுனிவர்ஸ் பட்டத்தை லாரா தத்தா வென்றார். அதன் பின்னர் இந்திய அழகிகளுக்கு இந்தப் பட்டம் கை கூடாமலேயே உள்ளது. இந்த ஏக்கத்தை வாசுகி தீர்த்து வைப்பாரா என்பதை பொறுத்திருந்து பார்ப்போம்.

English summary

Will she, won't she? No Indian girl has won the coveted Miss Universe title since Lara Dutta won it in 2000. Will Vasuki Sunkavalli be able to break the 11-year jinx? Let's all hope that September 12th will be Vasuki's day. Miss Universe 2011 contest will be held in Sao Paulo, Brazil on September 12.