தாய்லாந்தில் கின்னஸ் சாதனைக்காக 2 நாட்களாக தொடர் முத்தம்!

பாங்காக்: காதலர் தினத்தையொட்டி கின்னஸ் சாதனை புத்தகத்தில் இடம்பெறுவதற்காக தாய்லாந்தைச் சேர்ந்த 7 ஜோடிகள் கடந்த 2 நாட்களாக தொடர்ந்து முத்தம் கொடுத்துக் கொண்டே இருக்கின்றனர். பல் கூட விளக்காமல் தொடர்ந்து அவர்கள் முத்தமிடுவதை பலரும் கூடி வேடிக்கை பார்த்தனர்.

தாய்லாந்து தலைநகர் பாங்காக்கில் இருந்து 62 மைல் தொலைவில் உள்ள பட்டாயாவின் தாய் பீச் ரிசார்ட்டில் காதலர் தினத்தையொட்டி முத்தப் போட்டி நடந்து கொண்டிருக்கிறது. கடந்த ஞாயிற்றுக் கிழமை துவங்கிய இநத் போட்டி இன்றுடன் முடிகிறது. இந்த போட்டியில் 7 ஜோடிகள் கலந்து கொண்டு கடந்த 2 நாட்களாக உணவு உண்ணும்போதும் சரி, இயற்கை உபாதைகளுக்குச் செல்லும்போதும் சரி உதடுகள் பிரியாமல் முத்தம் கொடுத்துக் கொண்டே உள்ளனர்.

கடந்த ஆண்டு நடந்த போட்டியி்ல லக்கானா டிராநரட் மற்றும் அவரது கணவர் ஆகியோர், 46 மணிநேரம், 24 நிமிடம் மற்றும் 9 வினாடிகள் இடைவிடாமல் முத்தம் கொடுத்து கின்னஸ் சாதனை படைத்தனர். அவர்கள் இந்த ஆண்டு போட்டியிலும் கலந்து கொண்டுள்ளனர் என்பது குறிப்பிடத்தக்கது.

அவர்களின் சாதனையை முறியடிக்கும் நோக்கில் அனைவரும் நா வறண்டாலும், தொண்டை வலித்தாலும் பொருட்படுத்தாது தொடர்ந்து முத்தம் கொடுத்துக் கொண்டுள்ளனர். இந்த போட்டியில் வெல்லும் ஜோடிக்கு வைர மோதிரமும், சுற்றுலாவுக்கான டிக்கெட்டும் பரிசாகக் கொடுக்கப்படுகிறது.

போட்டியாளர்களுக்கு தண்ணீர் மற்றும் உணவு ஸ்ட்ரா மூலம் கொடுக்கப்படுகிறது. அப்போது கூட அவர்கள் உதடுகள் பிரியாமல் இருக்க வேண்டும் என்பது தான் விதிமுறை.

கின்னஸ் சாதனையை முத்தமிடப் போவது எந்த உதடுகளோ...?

English summary

7 couples in Thailand are on lip lock from february 12 till today to break the world record for longest continuous kiss, which currently stands at nearly two days. They should lock lips even during meals and bathroom breaks.