3ல் துபாயில் ஈமான் அமைப்பின் மாபெரும் மீலாத் பெருவிழா

துபாய்: துபாய் ஈமான் அமைப்பு உலகத்தை உய்விக்க வந்த உத்தமத் திருநபியின் உதய தின விழாவாம் மீலாத் பெருவிழாவினை பிப்ரவரி 3ம் தேதி மாலை இஷா தொழுகைக்குப் பின்னர் 8.30 மணிக்கு லூத்தா ஜாமிஆ மஸ்ஜிதில் (குவைத் பள்ளி) நடத்த இருக்கிறது.

இந்த விழாவுக்கு ஈமான் அமைப்பின் தலைவர் அல்ஹாஜ் செய்யது எம். ஸலாஹுத்தீன் தலைமை வகிக்கிறார். துபாய் இஸ்லாமிய விவகாரத் துறையின் துணை இயக்குநர் முனைவர் உமர் எம். அல் கத்தீப் முன்னிலை வகிக்கிறார். ஈமான் அமைப்பின் பொதுச் செயலாளார் குற்றாலம் ஏ. லியாக்கத் அலி வரவேற்புரை நிகழ்த்துகிறார்.

தாயகத்திலிருந்து வருகை தரும் தமிழ்நாடு ஜமாஅத்துல் உலமா சபையின் இணைச் செயலாளர், மூன் டிவி புகழ் முனைவர் அன்வர் பாதுஷா உலவி விழாப் பேருரையினை நிகழ்த்துகிறார்.

பள்ளியின் மேல்தளத்தில் பெண்களுக்கு தனியிட வசதி செய்யப்பட்டுள்ளதாக துணை பொதுச் செயலாளர் திருப்பனந்தாள் ஏ. முஹம்மது தாஹா தெரிவித்துள்ளார்.

இந்த விழாவில் அனைவரும் கலந்து கொண்டு நற்பயன் அடையுமாறு விழாக் குழுவினர் கேட்டுக் கொண்டுள்ளனர்.

இது குறித்து மேலும் விபரம் அறிய விரும்புவோர் 055 800 79 09 / 050 51 96 433 ஆகிய எண்களில் தொடர்பு கொள்ளலாம்.

English summary

Dubai IMAN has arranged for Milad un-Nabi celebration at Lootah Jamia Masjid, Dubai on february 3. The programme starts after 8.30 pm. For more details contact 055 800 79 09 / 050 51 96 433