கலசலிங்கம் பல்கலைகழக மாணவர்கள் வேலைவாய்ப்புக்காக தனி இணையதளம்!

சென்னை: தங்கள் பல்கலைக் கழகத்தில் படிக்கும் மாணவ மாணவியரின் வேலைவாய்ப்புக்காகவே தனி இணைய தளம் தொடங்கியுள்ளது கலசலிங்கம் பல்கலைக் கழகம்.

www.kruplacemant.in என்ற இந்த இணைய தளத்தை முன்னாள் ஜனாதிபதி அப்துல்கலாம் சென்னையில் தொடங்கி வைத்தார்.

இந்த விழாவில், கலசலிங்கம் குரூப் நிறுவனங்களின் சேர்மேன் தி.கலசலிங்கம், பல்கலைக்கழக வேந்தர் ஸ்ரீதரன், துணை வேந்தர் டாக்டர் பி கன்னியப்பன் உள்ளிட்டோர் பங்கேற்றனர்.

இந்தியா முழுவதும் உள்ள நிறுவனங்கள் தங்கள் நிர்வாகத்துக்குத் தேவையானவர்களை இந்த இணையதளம் மூலம் தேர்ந்தெடுத்துக் கொள்ளலாம். பின்னர் கேம்பஸ் இன்டர்வியூ மூலம் அவர்களுக்கு பணி நியமனம் தந்துவிடும் வசதியை பல்கலைக் கழகமே் செய்து தருகிறது.

பல்கலைக் கழகத்திலிருந்து மாணவர்கள் படிப்பு முடிந்து வெளியேறினாலும், ஒரு ஆண்டு காலம் வரை அவர்களின் விவரங்கள் இந்த தளத்தில் இருக்கும்.

இந்த பல்கலைக் கழகத்தில் வாய்பேசாத, காதுகேளாத மாணவர்களுக்கு இயந்திரவியல், கணிணிவியல் துறையில் 6 ஆண்டுகால படிப்பு கற்றுத் தரப்படுகிறது. அந்த மாணவர்களின் விபரங்களும் இந்த தளத்தில் கிடைக்கும், அவர்களுக்கு வேலை வாய்ப்பு தர விரும்புவோர் இந்த தளம் மூலமே அதைச் செய்யலாம்.

இந்த இணையதள தொடக்க விழாவில் டிசிஎஸ், ஹெச் சி எல், எஸ்ஆர்எம் உள்ளிட்ட நிறுவனங்களைச் சேர்ந்த பலரும் பங்கேற்றனர்.

English summary

Kalasalingam University has launched a portal for getting employment opportunities for their students.