ஒஹியோ டேட்டன் தமிழ் சங்க பொங்கல் மற்றும் குடியரசு தின விழா

By Shankar

Published: Monday, January 30, 2012, 10:52 [IST]

Subscribe to Oneindia Tamil

டேட்டன்: விமானத்தை கண்டுபிடித்த ரைட்ஸ் சகோதரர்களின் சொந்த ஊர் தான் அமெரிக்காவிலுள்ள ஒஹயோ மாகாணத்தின் முக்கிய நகரங்களில் ஒன்றான டேட்டன்.

அவர்களின் புராதன நிறுவனமான சைக்கிள் கம்பெனியின் அடையாளம் இன்றும் டேட்டனில் இருக்கிறது. ரைட்ஸ் சகோதரர்களின் நினைவாக அமைந்துள்ள அமெரிக்காவின் மிகப்பெரிய ஏர்ஃபோர்ஸ் மியூஸியம் இங்கு மிகச்சிறந்த சுற்றுலா தளமாகும்.

டேட்டன் தமிழ் சங்கம்

இங்கு பல்வேறு துறையை சார்ந்த தமிழர்கள் பெருவாரியாக வசித்து வருகிறார்கள். எத்தனையோ தடவை முயன்றும் சென்ற ஆண்டு வரை முறையான தமிழ் அமைப்பு இல்லாதது இங்குள்ள தமிழர்களுக்கு பெருங்குறையாக இருந்து வந்தது. பல முயற்சிகளுக்கு பின் கடந்த ஆண்டு டேட்டன் தமிழ் சங்கம் உருவாக்கப்பட்டு, டேட்டன் வட்டார தமிழர்களை ஒருங்கிணைக்கும் அமைப்பாக செயல்பட்டு வருகிறது.

இந்த ஆண்டின் முதல் நிகழ்ச்சி பொங்கல் மற்றும் இந்திய குடியரசு தின விழாவாக கொண்டாடப்படுகிறது. பிப்ரவரி 11, சனிக்கிழமை மாலை நான்கு மணி முதல் இரவு எட்டு மணி வரை சென்டர்வில், எண் 99 வர்ஜினியா அவென்யுவில் அமைந்துள்ள ‘க்ளைன் ஆரம்பப்பள்ளி ஆடிட்டோரி'யத்தில் விழா நடைபெறுகிறது.

குழந்தைகள், பெரியவர்களுக்கான போட்டிகள், பாடல்கள், பாரம்பரிய நடனம், திரையிசை நடனங்கள். உள்ளிட்ட பல்வேறு கலை நிகழ்ச்சிகள் இடம் பெறுகின்றன. டேட்டன் வாழ் முன்னோடி தமிழர்கள் உட்பட பலரும் நிகழ்ச்சிகளில் பங்கெடுத்து கொள்கிறார்கள். வருகை தரும் அனைவருக்கும் இரவு உணவு ஏற்பாடு செய்யப்பட்டுள்ளது.

மேலும், டேட்டன் வட்டார வாழ் தமிழர்களுக்கு சக தமிழர்களை அறிந்து கொள்ளும் ஒரு அறிய வாய்ப்பாகவும் இந்த நிகழ்ச்சி அமைகிறது.

டேட்டன் தமிழ் சங்கத்தின் அடுத்த கட்ட நடவடிக்கைகள் குறித்து முக்கிய முடிவுகளும் அறிவிக்கப்பட உள்ளதால் அனைத்து டேட்டன் வட்டார தமிழர்களும் விழாவில் பங்கேற்குமாறு தமிழ் சங்க நிர்வாகிகள் வேண்டுகோள் விடுத்துள்ளார்கள்.

நிகழ்சிக்கான ஏற்பாடுகளை தமிழ் சங்க நிர்வாகிகள் ராஜ், செல்வம், ஆனந்தபத்மநாபன், ஆனந்தகுமார், சுமா, ஜெயந்தி, மீணாள், பழனி, டாக்டர். மஞ்சுளா, மஞ்சு ஆகியோர் செய்து வருகிறார்கள். மேலதிக தகவல்களுக்கு [email protected] என்ற இமெயில் முகவரியில் தொடர்பு கொள்ளலாம்.

Published On January 30, 2012