7ம் தேதி ஷார்ஜாவில் பெண்களுக்கான நேர மேலாண்மை பயிற்சி முகாம்

By Siva

Published: Tuesday, December 4, 2012, 16:57 [IST]

Subscribe to Oneindia Tamil

ஷார்ஜா: ஷார்ஜாவி்ல் பெண்களுக்காக பெண் பயிற்சியாளரால் நடத்தப்படும் நேர மேலாண்மை பயிற்சி முகாம் வரும் 7ம் தேதி நடக்கிறது.

அன்றாட வாழ்க்கையில் நேரத்தை முறையாக நிர்வாகம் செய்வதைக் குறித்து விளக்கும் இன்ஃபோ டைம் என்ற நேர மேலாண்மை பயிற்சி முகாம் பெண்களுக்காக பெண் பயிற்சியாளரால் வரும் 7ம் தேதி மாலை 4 மணிக்கு ஷார்ஜாவில் நடத்தப்படுகிறது.

நேர மேலாண்மை குறித்த இஸ்லாமிய பார்வை, இலக்குகளை தீர்மானித்தல், முன்னுரிமை கொடுக்க வேண்டிய செயல்கள், திட்டமிடுதலின் அவசியம், நேரப் பயன்பாட்டு நுட்பங்கள், நடைமுறை வாழ்க்கையில் சிறப்பான செயல்பாடு, இன்றே செய்! இப்போதே செய்! வழிமுறை மற்றும் செய்முறை குறித்த பயிற்சி விளக்கங்கள் அளிக்கப்படுகின்றன. நிகழ்ச்சியில் கலந்து கொள்ளும் பெண்களுக்கு பெண் பொறியாளர் ஷாமிலா பயிற்சியளிக்கிறார்.

இந்நிகழ்ச்சியில் கலந்து கொள்ள அனுமதி இலவசம், ஆனால் முன்பதிவு செய்பவர்கள் மட்டுமே அனுமதிக்கப்படுபவர்.

055-2353399,050-8669186 என்ற எண்களில் தொடர்பு கொண்டு முன்பதிவு செய்யலாம். ஷார்ஜா மண்டல தமுமுக ஏற்பாடு செய்யும் இந்நிகழ்ச்சியில் பயிற்சிக் குறிப்பேடுகள், சிற்றுண்டி ஆகியவை இலவசமாக வழங்கப்பட உள்ளது.

Published On December 4, 2012