அமெரிக்கவில் இரட்டைக்குழந்தைகள் பிறப்பு விகிதம் உயர்வு

வாஷிங்டன்: அமெரிக்காவில் இரட்டை குழந்தைகள் பிறப்பது கடந்த 30 ஆண்டுகளில் இரு மடங்கு உயர்ந்துள்ளது. அதாவது கடந்த 1980-ம் ஆண்டில் 68,339 இரட்டை குழந்தைகள் பிறந்தன. இது 2009-ல் 1 லட்சத்து 37 ஆயிரமாக உயர்ந்திருக்கிறது என்று இந்த தகவல் கூறுகிறது.

அமெரிக்காவில் 2009-ம் ஆண்டு கணக்கெடுப்பு மூலம் 30 பேருக்கு ஒரு இரட்டைக் குழந்தை பிறக்கிறது என்பது கண்டறியப்பட்டுள்ளது. இந்த தகவலை அமெரிக்க நோய்த்தடுப்பு மற்றும் முன் எச்சரிக்கை மையம் வெளியிட்டுள்ளது.

இந்த இரட்டை குழந்தைகள் பிறப்பு விகிதம் அதிகரிப்பதற்கு ஆண்களும், பெண்களும் குழந்தைபிறப்பு தொடர்பான சிகிச்சை எடுத்துக்கொள்வதும் ஒரு காரணம் என்று கூறப்படுகிறது. மேலும் அதிக வயதுடைய அதாவது 30 வயதிற்கு மேற்பட்ட பெண்கள் கருத்தரிப்பதும் இரட்டை குழந்தைகள் பிறப்பதற்கு காரணம் என்றும் கணக்கெடுப்பில் தெரியவந்துள்ளது.

நலமாக வாழும் குழந்தைகள்

இது நாடு முழுவதும் பரவலாக இருப்பதாவும், இதில் 35 சதவீதம் குழந்தைகள் 30 வயது தாண்டியவர்கள் மூலம் பிறக்கின்றன என்றும் நோய்தடுப்பு மையத்தின் நிர்வாகி ஜாய் மார்ட்டின் தெரிவித்தார். மேலும் அவர் கூறுகையில், இரட்டை குழந்தை பிரசவம் சற்று சிக்கலானதுதான். என்றாலும் பிறந்த இரட்டை குழந்தைகளில் பெரும்பாலானவர் நன்றாகவே இருக்கிறார்கள்' என கூறினார்.

English summary

More pregnant women are getting more than they may have expected, according to a report on 30-year trends in twin births. In 2009, 1 in every 30 babies born in the United States was a twin, compared with 1 in every 53 babies in 1980, according to the “Data Brief” from the CDC’s National Center for Health Statistics. That represents a 76% jump in the twin birth rate.