21ம் தேதி தமிழக சிறுவனின் முயற்சியில் ஷார்ஜா கடற்கரை சுத்தப்படுத்தும் பணி

ஷார்ஜா: ஐக்கிய அரபு அமீரகத்தின் கலாச்சார நகரமாம் ஷார்ஜாவில் 13 வயது தமிழக சிறுவன் ஹுமைத் நடத்தி வரும் பசுமை பூகோளம் (Green Globe) எனும் அமைப்பின் சார்பில் ஷார்ஜா கடற்கரையினை சுத்தப்படுத்தும் பணி வரும் 21ம் தேதி காலை 7 மணிக்கு நடைபெற இருக்கிறது.

இப்பணி ஷார்ஜா பெண்கள் சங்கத்தின் அருகாமையில் நடைபெறும். இதற்கு ஷார்ஜா நகரை தூய்மையாக்கும் பணியில் ஈடுபட்டு வரும் பீஅஹ் (Bee'ah ) எனும் நிறுவனம் உறுதுணை வழங்கியுள்ளது.

இடம் குறித்த மேலதிக விபரங்களுக்கு 050 71 77 123 எனும் அலைபேசி எண்ணில் தொடர்பு கொள்ளலாம்.

ஷார்ஜா பள்ளியில் பயின்று வரும் ஹுமைத் ராமநாதபுரம் மாவட்டம் பெரியபட்டணம் நகரைச் சேர்ந்தவர். இவரது தந்தை அமீரக தகவல் தொடர்பு அலுவலகத்தில் கணக்காளராக பணியாற்றி வருகிறார்.

English summary

Humaith, a TN based boy has organised for a clean up in Sharjah beach on june 21. For more details dial 050 71 77 12.