தினமும் 2 கப் ஹாட் சாக்லேட் குடித்தால் வயதானவர்களின் மூளைக்கு நல்லதாம்
நியூயார்க்: வயதானவர்கள் தினமும் 2 கப் ஹாட் சாக்கலேட் குடித்தால் அவர்களின் மூளை ஆரோக்கியமாக இருக்கும் என்று ஆய்வு ஒன்றில் கண்டுபிடிக்கப்பட்டுள்ளது.
அமெரிக்காவில் வயதானவர்களின் ஆரோக்கியம் குறித்து ஒரு ஆய்வு நடத்தப்பட்டது. அதன் முடிவு அமெரிக்கன் அகாடமி ஆஃப் நியூராலஜியின் பத்திரிக்கையில் வெளியிடப்பட்டுள்ளது.
இந்த ஆய்வில் 73 வயதுள்ள 60 பேர் குறிப்பாக மறதி நோய் இல்லாதவர்கள் பங்கேற்றனர்.
தினமும் 2 கப்
ஆய்வில் கலந்து கொண்டவர்களுக்கு ஒரு மாத காலம் தினமும் 2 கப் ஹாட் சாக்லேட் கொடுக்கப்பட்டது. அந்த ஒரு மாதமும் அவர்கள் வேறு எந்த சாக்லேட்டும் சாப்பிடவில்லை.
அல்ட்ரா சவுண்ட்
ஒரு மாதம் ஹாட் சாக்லேட் குடித்தவர்களிடம் நினைவாற்றல், மூளைக்கு போகும் ரத்த அளவை கணக்கிட அல்ட்ராசவுண்ட் சோதனை உள்ளிட்டவை செய்யப்பட்டது.
அதிக ரத்த ஓட்டம்
ஆய்வில் கலந்து கொண்ட 60 பேரில் 18 பேரின் ரத்த ஓட்டம் துவக்கத்தில் சுமாராக இருந்துள்ளது. ஆனால் ஆய்வு முடிவில் அவர்களின் ரத்த ஓட்டம் 8.3 சதவீதம் அதிகரித்துள்ளது.
மூளைக்கு நல்லது
வயதானவர்கள் தினமும் 2 கப் ஹாட் சாக்லேட் குடித்தால் அவர்களின் மூளை ஆரோக்கியமாக இருக்கும் என்று கண்டுபிடிக்கப்பட்டுள்ளது.
Click it and Unblock the Notifications
Sign in with Google