அபுதாபியில் கருணாநிதியின் 90வது பிறந்தநாள் விழா கிரிக்கெட் போட்டி
அபுதாபி: அபுதாபியில் திமுக தலைவர் கருணாநிதியின் 90வது பிறந்த நாள் விழா கொண்டாட்டத்தின் ஒரு பகுதியாக அமீரக திமுக சார்பில் அபுதாபி முஸஃப்பா திறந்த வெளி கிரிக்கெட் அரங்கில் 03.06.2013 அன்று தொடங்கி இறுதிப் போட்டி 28.06.2013 அன்று முடிவு பெற்றது.
28.06.2013 அன்று மாலை 3.30 மணியளவில் இறுதி போட்டி தொடங்கி சுமார் இரண்டரை மணி நேரம் விறுவிறுப்புடன் நடைபெற்றது. முன்னதாக விளையாட்டு வீரர்களுக்கும், திமுக தொண்டர்களுக்கும் திமுக இளைஞரணி அபுதாபி சார்பில் பொறியாளர் தினேஷ்குமார் தலைமையில் இனிப்புகள் வழங்கி ஆரவாரமாக கலைஞரின் பிறந்த நாள் விழா கொண்டாடப்பட்டது.
பின்னர் போட்டியில் வெற்றி பெற்ற அணிகளுக்கு கோப்பையை தினேஷ்குமார் வழங்கி கௌரவித்தார். நிகழ்ச்சியின் இறுதியாக திமுக தொண்டர்களுக்கும், விளையாட்டு வீரர்களுக்கும் கலந்து கொண்ட தமிழ் கூறும் அபுதாபி வாழ் சொந்தங்கள் அனைவருக்கும் இளைஞரணி அபுதாபி சார்பில் தினேஷ்குமார் தலைமையில் சிறப்பான முறையில் விருந்தளிக்கப்பட்டது.
இந்நிகழ்ச்சியில் சுமார் 250 பேர் வரையிலும் கலந்து கொண்டு சிறப்பித்தனர். இந்நிகழ்ச்சியை சிறப்பாக நடத்தித் தந்த தினேஷ்குமார் அவர்களுக்கு திமுக தொண்டர்கள் கௌரவப்படுத்தி பொன்னாடை போர்த்தினார்கள்.
படம் 1
படம் 2
படம் 3
படம் 4
Click it and Unblock the Notifications
Sign in with Google