லேகா ஃபுட்ஸ் நிறுவனத்தின் எழுதுங்க.. பரிசு வெல்லுங்க போட்டி!

By Shankar

Updated: Thursday, March 7, 2013, 11:53 [IST]

Subscribe to Oneindia Tamil

லேகா ரத்னகுமாருக்கு புதிதாக அறிமுகம் தேவையில்லை. விளம்பரப் பட உலகில் ஏராளமான விளம்பரப் படங்களை இயக்கி, அவற்றில் தனித் திறமையைக் காட்டி பெயர் பெற்றிருப்பவர் லேகா ரத்னகுமார். விளம்பரப் படங்கள், தொலைக்காட்சித் தொடர்கள், பின்னணி இசை லைப்ரரி என பல விஷயங்களில் முன்னோடியாகத் திகழ்பவர்.

இப்போது அவர் சர்வதேச உணவு வகைகளுக்காக தொடங்கியுள்ள இணையதளமான லேகாபுட்ஸ்.காம் சார்பில் புதிய போட்டியை அறிவித்துள்ளார்.

நம் நாட்டைச் சேர்ந்த பெரும்பாலான இளைஞர்கள் சாஃப்ட்வேர் தொழிலில் உலகெங்கும் பணியாற்றிக் கொண்டிருக்கின்றனர். தாங்களே சமையல் செய்து சாப்பிட வேண்டிய நிலை அவர்களுக்கு. இந்த விஷயத்தில் எந்தவித சிரமமும் இல்லாமல் மிகவும் எளிதில் அவர்கள் சமையல் செய்வதற்கு உதவியாக இருக்கிறது லேகாபுட்ஸ் தளம்.

இந்த தளத்தின் சார்பில் 'எழுதுங்க... பரிசு வெல்லுங்க' என்ற போட்டி அறிவிக்கப்பட்டுள்ளது. இந்தப் போட்டியில் சமையலில் ஆர்வம் உள்ளவர்கள் யாராக இருந்தாலும் பங்கு பெறலாம்.

தங்களுடைய சொந்த சமையல் குறிப்புகளை அவர்கள் [email protected] என்ற மின்னஞ்சல் முகவரிக்கு ஆங்கிலத்தில் எழுதி அனுப்ப வேண்டும்.

சிறந்த சமையல் குறிப்பு எழுதி வெற்றி பெறுபவருக்கு 22,000 ரூபாய் மதிப்புள்ள சாம்சங் கேலக்ஸி கிராண்ட் மொபைல் பரிசாக அளிக்கப்படும் என அறிவித்துள்ளார் லேகா ரத்னகுமார்.