ஷார்ஜாவில் நகரத்தார் சங்க கலந்துரையாடல்: பேரரசு குடும்பத்துடன் பங்கேற்ப்பு
ஷார்ஜா: ஐக்கிய அரபு நாடுகள் நகரத்தார் கூட்டமைப்பின் 147வது கலந்துரையாடல் நிகழ்ச்சி 26.04.2013 அன்று காலை ஷார்ஜா நகரத்தார் பண்ணை இல்லத்தில் நடைபெற்றது.
கலந்துரையாடல் நிகழ்ச்சிக்கு தலைவர் ரமேஷ் ராமநாதன் தலைமை வகித்தார். பொதுச் செயலாளர் முத்துராமன் கதிரேசன் வரவேற்புரை நிகழ்த்தினார். துவக்கமாக இறைவணக்கப்பாடல் மற்றும் சங்கப்பாடல் ஆகியன பாடப்பட்டன. திருக்குறள் வாசித்து அதன் விளக்கம் விவரிக்கப்பட்டது. செல்வி மெய்யம்மை வள்ளியப்பனின் 1960 குறித்த அறிமுக நடனம் இடம் பெற்றது.
147வது கலந்துரையாடல் நிகழ்ச்சி 1960ம் ஆண்டை மையமாகக் கொண்டு வடிவமைக்கப்பட்டதால் பலரும் தங்களது கடந்த கால வாழ்வினை நினைவு கூறும் விதத்தில் அமைந்திருந்தது. பெரும்பாலோர் 1960ம் ஆண்டில் இருப்பது போல் உடையணிந்து வந்தனர். அவர்களில் சிறப்புற உடையணிந்திருந்தோர் நினைவுப் பரிசு வழங்கி கௌரவிக்கப்பட்டனர்.
சிறப்பு விருந்தினராக திரைப்பட இயக்குநர் பேரரசு தனது குடும்பத்தினருடன் கலந்து கொண்டு சிறப்பித்தார். தனது இளைமைக்கால வாழ்வு குறித்தும், தான் பிறந்த நாட்டரசன் கோட்டையில் நகரத்தாரின் சமுதாயப் பணிகள் குறித்தும் நினைவு கூர்ந்தார். தனது வாழ்வில் முதன் முதலாக பயணித்த வாகனம் ஒரு நகரத்தாரின் அம்பாஸிடர் கார் எனக் குறிப்பிட்டார். அமீரகத்தில் நகரத்தார் சங்கத்தினர் மேற்கொண்டு வரும் சமுதாயப் பணிகளைப் பாராட்டினார்.
சென்னை பம்மல் கவியரசு கண்ணதாசன் தமிழ்ச் சங்கத்தின் நிறுவனரும், பொதுச்செயலாளருமான கவிஞர் காவிரிமைந்தன் இசையும் பாடலும் எனும் தலைப்பில் வீடியோ மூலம் பாடல்களை ஒளிபரப்பி அதன் குறிப்புகளை விவரித்தார். பாடல்கள் எழுதப்பட்ட சூழல் உள்ளிட்டவற்றை விளக்கிய விதம் பலருக்கும் பல்வேறு புதிய செய்திகளைத் தருவதாய் அமைந்திருந்தது. கண்ணதாசன் புகழ் பரப்பும் பணியில் அனைவரும் தன்னோடு இணைந்து கொள்ள வேண்டுகோள் விடுத்தார். சிறப்பு விருந்தினர்கள் பொன்னாடை மற்றும் நினைவுப் பரிசு வழங்கி கௌரவிக்கப்பட்டனர்.
ஆச்சிகளுக்கான சமையல் போட்டி, ராஜகணேஷ் ராமநாதன் வடிவமைத்த மாத்தியோசி விளையாட்டு நிகழ்ச்சி, குழந்தைகளுக்கான விளையாட்டு நிகழ்ச்சி, சிதம்பரம் மற்றும் நாச்சியப்பன் ஆகியோரால் வினாடி வினா போட்டி உள்ளிட்டவை நடைபெற்றன.
பல்வேறு போட்டிகளில் வெற்றி பெற்றோருக்கு இயக்குநர் பேரரசு பரிகளை வழங்கினார். நிகழ்விற்கான ஏற்பாடுகளை நிர்வாகக் குழுவினர் சிறப்புற செய்திருந்தனர்.
குடும்பத்தாருடன் பேரரசு
நகரத்தார் கூட்டமைப்பு நிகழ்ச்சியில் இயக்குனர் பேரரசு தனது குடும்பத்தாருடன் கலந்து கொண்டார்.
பேரரசு
நகரத்தார் கூட்டமைப்பினருடன் பேரரசு.
பரிசளிப்பு
போட்டிகளில் வெற்றி பெற்றவர்களுக்கு பரிசளிக்கும் பேரரசு.
மனைவியுடன்
போட்டியில் வெற்றி பெற்றவர்களுக்கு மனைவியுடன் சேர்ந்து பரிசளிக்கும் பேரரசு.
கெட்டப் எப்பூடி?
இந்த கெட்டப்பில் நாங்கள் எல்லாம் எப்படி இருக்கிறோம்.
Click it and Unblock the Notifications
Sign in with Google