கலிபோர்னியாவில் நடக்கும் ஃபெட்னாவின் தமிழ் விழா: ஏமி ஜாக்சன் பங்கேற்கிறார்

கலிபோர்னியா: வட அமெரிக்க தமிழ்ச்சங்க பேரவை(ஃபெட்னா), சான் பிரான்சிஸ்கோ வளைகுடாப் பகுதித் தமிழ் மன்றம் நடத்தும் தமிழ் விழா 2015 அதாவது 28வது ஃபெட்னா வருடாந்திர கூட்டம் வரும் ஜூலை மாதம் 2ம் தேதி முதல் 5ம் தேதி வரை தொடர்ந்து 4 நாட்களுக்கு நடக்க உள்ளது.

இந்த தமிழ் விழா அமெரிக்காவின் கலிபோர்னியா மாநிலத்தில் உள்ள சான் ஜோஸ் நகரில் இருக்கும் நேஷனல் சிட்டி சிவிக் அரங்கில் நடைபெற உள்ளது.

தமிழ் விழாவோடு சேர்த்து இசைப் பேரறிஞரர் வீ.ப. கா. சுந்தரம் நூற்றாண்டு விழா மற்றும் பாபநாசம் சிவன் 125வது ஆண்டு விழாவும் நடத்தப்படுகிறது.

நிகழ்ச்சியில் தி. உதயசந்திரன், பூவுலகின் நண்பர்கள் சுந்தர்ராஜன், பாடகி முனைவர் சௌம்யா, பாடகி பூஜா, பாடகர் ஹரிசரன், பேச்சாளர் சுமதிஸ்ரீ, நடிகை ஏமி ஜாக்சன், எழுத்தாளர் பூமணி, பாடகி பிரகதி, கும்கி புகழ் மகிழினி மணிமாறன், முனைவர் மார்கரெட் பாஸ்டன், பாடகர் திவாகர் ஆகியோர் சிறப்பு விருந்தினர்களாக கலந்து கொள்கிறார்கள்.

நிகழ்ச்சிக்கான முன்பதிவு தற்போது துவங்கியுள்ளது. www.facebook.com/fetnaconvention என்ற ஃபேஸ்புக் பக்கத்தை லைக் செய்து இது குறித்து மேலும் தகவல் பெறலாம்.

English summary

28th Fetna annual convention will be held in national city civic auditorium in San Jose city in the US from july 2-5.