18ம் தேதி பஹ்ரைனில் 'பாஸ்கியுடன் பஹ்ரைன்', நகைச்சுவை கலந்துரையாடல்

பஹ்ரைன்: பஹ்ரைன் திருவள்ளுவர் மன்றம் வரும் 18ம் தேதி 'பாஸ்கியுடன் பஹ்ரைன்' என்ற நகைச்சுவை கலந்துரையாடல் நிகழ்ச்சிக்கு ஏற்பாடு செய்துள்ளது.

பஹ்ரைனில் செயல்பட்டு வரும் திருவள்ளுவர் சமுதாய மற்றும் கலாச்சார மன்றம் சார்பில் வரும் 18ம் தேதி 'பாஸ்கியுடன் பஹ்ரைன்' என்ற நகைச்சுவை கலந்துரையாடல் நிகழ்ச்சி நடைபெறுகிறது. இந்த நிகழ்ச்சி பஹ்ரைனில் உள்ள இந்தியன் கிளப் உள்விளையாட்டு அரங்கில் மாலை 6.30 மணி முதல் நடக்க உள்ளது.

நிகழ்ச்சியில் தமிழ் சினிமா படங்களில் நடிப்பவரும், தொலைக்காட்சி சேனல்களில் நகைச்சுவை நிகழ்ச்சிகளை நடத்தி வருபவருமான பாஸ்கி கலந்து கொள்கிறார். அவருடன் பிரபல சினிமா மற்றும் மேடை நாடக நடிகர் நீலு மற்றும் டிவி நிகழ்ச்சிகள் புகழ் பிரசாத் ஆகியோரும் கலந்து கொள்கிறார்கள்.

பாஸ்கி மற்றும் அவரது குழுவினர் முதல் முறையாக பஹ்ரைனில் நிகழ்ச்சி நடத்துகிறார்கள். இளைய தளபதி விஜய் நடித்த யூத் உள்ளிட்ட பல படங்களில் நகைச்சுவை நடிகராக நடித்துள்ளவர் பாஸ்கி.

மேலும் டிவியில் ஹரி கிரி அசம்பிளி நிகழ்ச்சியை நடத்தி பிரபலம் ஆனவர். காமெடியாக பேசுவதற்கு பெயர் போனவர் பாஸ்கி என்பது குறிப்பிடத்தக்கது. இந்த நிகழ்ச்சி குறித்து மேலும் விபரம் அறிய 39068323 என்ற எண்ணில் தொடர்பு கொள்ளவும்.

English summary

Choice Advertising & Publicity in association with Tiruvalluvar Social & Cultural Association (Tisca Bahrain) Presents a Stage Laughter Talk Show "Bosskeyudan Bahrain" on 18th December 2015, Friday from 6.30 PM at Indian Club Indoor Auditorium.