கனடா தமிழ்ச் சங்க இயக்குர் அன்புடன் புகாரிக்கு அபுதாபியில் வரவேற்பு
அபுதாபி: கனடா தமிழ்ச் சங்கத்தின் இயக்குநர் கவிஞர் "அன்புடன் புகாரி"க்கு அய்மான் சங்கம் சார்பில் வரவேற்பு நிகழ்ச்சி அபுதாபியில் நடைபெற்றது
கனடா தமிழ் சங்கத்தின் இயக்குநர் கவிஞர் "அன்புடன் புகாரி" அவர்கள் பல்வேறு நிகழ்ச்சிகளில் கலந்து கொள்வதற்காக ஐக்கிய அரபு அமீரகத்திற்கு வந்துள்ளார். அவருக்கு அய்மான் சங்கத்தின் சார்பில் வரவேற்பு நிகழ்ச்சி அபுதாபியில் உள்ள செட்டிநாடு உணவகத்தில் நடைபெற்றது.
இந்நிகழ்ச்சிக்கு அய்மான் சங்கத் தலைவர் அதிரை ஷாஹுல் ஹமீத் தலைமையேற்று அனைவரையும் வரவேற்றார். சங்கத்தின் செயற்குழு உறுப்பினர் லால்பேட்டை மௌலவி முஹம்மது அப்பாஸ் இறைமறை வசனங்களை ஓதினார். சங்கத்தின் பொதுச் செயலாளர் காயல் எஸ்.ஏ.சி. ஹமீத் அய்மான் சங்கத்தைப் பற்றியும், அதிரை கவிஞர் கலாம் சிறப்பு விருந்தினர் கவிஞர் அன்புடன் புகாரியைப் பற்றியும் அறிமுக உரை நிகழ்த்தினர்.
அரிகேசவநல்லூர் எஸ்.எஸ். மீரான், அமீரக காயிதே மில்லத் பேரவையின் பொருளாளர் கீழை ஹமீதுர் ரஹ்மான் ஆகியோர் கருத்துரை வழங்கினர். கனடா தமிழ்ச் சங்க இயக்குநர் "அன்புடன் புகாரி" ஏற்புரை நிகழ்த்தினார்.
இந்நிகழ்ச்சியில் அய்மான் சங்கத்தின் செயலாளர் லால்பேட்டை மௌலவி அப்துர்ரஹ்மான், செயற்குழு உறுப்பினர்கள் திருவாடுதுறை அன்சாரி பாஷா, காயல் அன்சாரி, மக்கள் தொடர்புச் செயலாளர் ஆடுதுறை முஹம்மது அப்துல் காதர் ஆகியோர் கலந்து கொண்டனர். செயற்குழு உறுப்பினர் கொள்ளுமேடு மௌலவி முஹம்மது ஹாரிஸ் நன்றி கூற லால்பேட்டை சல்மான் ஃபாரிஸ் துஆவுடன் நிகழ்ச்சி இனிதே நிறைவு பெற்றது.
நிகழ்ச்சிக்கான ஏற்பாடுகளை அய்மான் சங்கம் மிகச் சிறப்பாக செய்திருந்தது.
Click it and Unblock the Notifications
Sign in with Google