ஐ லவ் யூ மாமா, நீங்க இல்லாம நான் என்ன செய்வேன்?

By Siva

Published: Friday, November 22, 2013, 16:09 [IST]

Subscribe to Oneindia Tamil

சென்னை: உங்கள் கணவரை அவ்வப்போது பாராட்டி குஷிபடுத்தியதுண்டா நீங்கள்?

மனைவிகள் கணவன்மார்கள் தங்களை பாராட்ட வேண்டும், தங்களின் அழகை பற்றி புகழ்ந்து பேச வேண்டும், தங்களுடன் நேரம் செலிவட வேண்டும் என்றும் நினைப்பார்கள். கணவன்களும் இதற்கு விதிவிலக்கல்ல. இதை மனைவிகள் புரிந்து கொண்டு நடக்க வேண்டும்.

உங்கள் கணவரை பாராட்டித் தான் பாருங்களேன், அவர் எப்படி மகிழ்கிறார் என்று தெரியும்.

நீங்க இல்லாமல் நான் என்ன செய்வேன்?

என்னங்க நீங்க இல்லாமல் என்னால் ஒன்றுமே செய்ய முடியாது. எனக்கு எல்லாமே நீங்க தான் என்று கூறிப் பாருங்கள். கணவன்மார்கள் நிச்சயம் பெருமிதம் கொள்வார்கள்.

அன்பை வெளிப்படுத்துங்கள்

உங்களுக்கு கணவர் மீது உள்ள அன்பை, பாசத்தை அவரிடம் தெரிவிப்பது மிகவும் முக்கியம். அன்பை மனதுக்குள் மறைத்து வைத்துக் கொண்டால் அவருக்கு எப்படி தெரிய வரும். எனக்கு உங்களுடன் நேரம் செலவிடுவது என்றால் மிகவும் பிடிக்கும் என்று வாய்விட்டு கூறுங்கள்.

அழகை புகழுங்கள்

கணவரின் அழகை புகழ்வதில் தப்பே இல்லை. எப்படி அவர் உங்கள் அழகை புகழ்ந்தால் உங்களுக்கு உச்சி குளிருமோ அவருக்கும் அப்படித் தான். அனைத்து மனங்களுமே ஏங்குவது பாராட்டுக்குத் தானே.

என்னமா உழைக்கிறீர்கள்?

கணவர் அலுவலகத்தில் கடினமாக உழைப்பதை பார்த்து இந்த ஆளு எப்பொழுது பார்த்தாலும் ஆபீஸை கட்டிக்கிட்டு அழுகிறானே என்று அலுத்துக்கொள்ளாமல் அவரது உழைப்பை பாராட்டுங்கள். உங்களுக்காக தானே உழைக்கிறார்?

Published On November 22, 2013