யு.எஸ்.: 27வது ஆண்டு விழா கொண்டாடும் ஃபெட்னா

மிசௌரி: வட அமெரிக்க தமிழ்ச்சங்க பேரவை(ஃபெட்னா) மற்றும் மிசௌரி தமிழ்ச்சங்கம் ஆகியவை இணைந்து பேரவையின் 27வது ஆண்டு விழாவை நடத்துகின்றன.

இந்த ஆண்டு விழாவுடன் சேர்த்து ராபர்ட் கால்டுவெல் இருநூற்றாண்டு விழா மற்றும் குடந்தை ப. சுந்தரேசனார் நூற்றாண்டு விழா ஆகியவையும் கொண்டாடப்படுகிறது. இந்த விழா அமெரிக்காவின் மிசௌரி மாநிலத்தில் உள்ள புனித லூயி பல்கலைக்கழகத்தில் இருக்கும் சாய்பெட்ஸ் அரினாவில் நடைபெறுகிறது.

வரும் ஜூலை மாதம் 4 மற்றும் 5 ஆகிய தேதிகளில் நடக்கும் விழாவில் பெற்றோர்களுடன் பெற்றோர்கள், பாஸ்கர் வழங்கும் செவி வழி தொடு சிகிச்சை, டாக்டர் செல்வ சண்முகம் வழங்கும் சித்தா மருத்துவ முறை நிகழ்ச்சி, எழிலனின் வர்மக்கலை, வேலுராமனின் மனம் விட்டு பேசலாம், முனைவர் சோயி ஷெரினியனின் தமிழர்களின் தாள இசைக்கருவிகள் பற்றிய பட்டறை, திருமதி. வைதேகி ஹெர்பர்ட்டின் தமிழ் இலக்கியம், இயக்குனர் சுவாமி கந்தனின் திரைப்படம் உருவாக்கம் பற்றிய பட்டறை, முனைவர் வேலு சரவணனின் குழந்தைகள் நாடகப் பட்டறை உள்ளிட்ட நிகழ்ச்சிகள் நடைபெறுகின்றன.

தமிழ் குறும்பட போட்டி, கோகோ, கபடி உள்ளிட்ட போட்டிகள் நடத்தப்படுகிறது. இந்த நிகழ்ச்சியில் அனைவரும் கலந்து கொள்ளுமாறு கேட்டுக் கொள்ளப்படுகிறார்கள்.

English summary

Federations of Tamil Sangams of North America(FeTNa) is celebrating its 27th anniversary on july 4th and 5th at Chiafetz Arena in Missouri.