யு.எஸ்.: பாட்டு, நடனம், சிலம்பம் என்று பொங்கல் விழா கொண்டாடிய டொபீகா தமிழ் சங்கம்
டொபீகா: அமெரிக்காவில் உள்ள டொபீகா நகரில் டொபீகா தமிழ் சங்கம் சார்பில் பொங்கல் விழா கொண்டாடப்பட்டது.
அமெரிக்காவின் கேன்சாஸ் மாநிலத்தில் இருக்கும் டொபீகா நகரில் தமிழர் திருநாளான பொங்கல் பண்டிகை கொண்டாடப்பட்டது. கடந்த மாதம் 16ம் தேதி நடந்த இந்த நிகழ்ச்சிக்கு பொங்கல் விழா 2016 என்று பெயரிடப்பட்டிருந்தது.
விழா மேடையானது பொங்கல் பாரம்பரியத்தை பறைசாற்றும் விதமாக வண்ணமயமான ஓவியங்களால் அலங்கரிக்கபட்டுருந்தது. இவ்விழாவில் ஏராளமான தமிழர்கள் தங்கள் குடும்பத்துடனும், நண்பர்களுடனும் கலந்து கொண்டனர்.
விழாவில் பெரியவர்கள் மற்றும் குழந்தைகளின் சொற்பொழிவு, திருக்குறள் ஒப்பித்தல், பாடல், நடன நிகழ்ச்சிகள் மற்றும் தமிழர்களின் பாரம்பரிய விளையாட்டில் ஒன்றான சிலம்பாட்டம் ஆகியவை இடம்பெற்றுருந்தன.
மேலும் விழாவில் பொங்கல் மற்றும் உணவு பரிமாறப்பட்டது. இவ்விழாவை டொபீகா தமிழ் சங்கத்தின் தன்னார்வலர்கள் மற்றும் ஒருங்கிணைப்பாளர்கள் மிக சிறப்பாக செய்திருந்தனர்.
Click it and Unblock the Notifications
Sign in with Google