நேசிக்கும் நெஞ்சங்களின் அன்புக்கு நன்றி.. அமெரிக்காவில் அழகான கொண்டாட்டம்!

Updated: Saturday, November 25, 2017, 11:37 [IST]

Subscribe to Oneindia Tamil

சார்லேட், அமெரிக்கா: அமெரிக்காவில் நவம்பர் மாத நாலாவது வியாழக்கிழமை தேங்க்ஸ் கிவிங் பண்டிகை (நன்றி தெரிவித்தல்) என்று வெகு விமரிசையாக கொண்டாடப்படுகின்றது. கிறிஸ்துமஸுக்கு முன்னாடி அங்கு கொண்டாடப்படும் பெரும் விழாவாக இது விளங்குகிறது.

நன்றி தெரிவிக்கும் விழாவன்று, அமெரிக்காவில் மக்கள் குடும்பம் குடும்பமாக சேர்ந்து தங்கள் வீட்டில் விசேஷ உணவுகளை சமைத்து உண்டு மகிழ்கின்றனர்.

காய்கறிகள், பூசணிக்காய் கேக், ஸ்வீட் பொடேடோ மேஷ் என்று பல ஐட்டங்கள் இருந்தாலும் பொறித்த வான்கோழி (Turkey) இந்த விருந்தில் முக்கிய இடம் பெறுகிறது. இந்த Turkey இல்லாத நன்றி தெரிவித்தல் கொண்டாட்டங்களே இல்லை எனலாம்.

நன்றி செலுத்தும் விழா

மக்கள் ஆலயங்களிலும் ஓன்று சேர்ந்து கூட்டாக பிராத்தனை நடத்தி இறைவனுக்கு நன்றி செலுத்துகின்றனர். பின்னர் அங்கும் கூட்டு விருந்து நடத்தி அனைவரும் ஓன்று கூடி மகிழுகின்றனர். மற்றவர் மேலான அன்பையும் நன்றியையும் தெரிவிக்கும் விழாவாக இது கொண்டாடப்படுகிறது .

குட்டீஸ்களின் உற்சாக நன்றி

பள்ளிகளிலும் இந்த விழா பெரிதாக கொண்டாடப்படுகிறது. நம் ஊரில் ஆசிரியர் தினம் அன்று குழந்தைகள் ஆசிரியர்களுக்கு பரிசு கொடுப்பது போல இங்கு இந்த தேங்க்ஸ் கிவிங் நாள் அன்று குழந்தைகள் பூங்கொத்து, வண்ண கார்டுகள் என்று குட்டி குட்டியாய் சுமந்து கொண்டு போய் தங்களது பாசத்துக்குரிய ஆசிரியர்களிடம் ஆசையாக நீட்டி தங்கள் நன்றியை அன்போடு சொல்லுகின்றனர் குட்டீஸ் கூட்டங்கள் .

அலுவலகங்களிலும் நன்றி மகிழ்ச்சி

அலுவலகங்களில் கூட இந்த விழாவை ஒட்டி பணியாளர்கள் ஒருவொருக்கொருவர் தேங்க்ஸ் கிவிங் கார்டு பரிமாறி தங்கள் சக ஊழியர்களுக்கும் நண்பர்களுக்கும் இந்த நேரத்தில் நன்றியை தெரிவித்து மகிழுகின்றனர். தேங்க்ஸ் கிவிங் டே அன்று முழு விடுமுறை வழங்கப்படுகின்றது. இதை ஒட்டி முந்திய தினம் இங்கெல்லாம் பார்ட்டி கொண்டாட்டங்கள் உண்டு.

நேசிக்கும் நெஞ்சங்களின் அன்புக்கு நன்றி

நியூயார்க் நகரில் நடைபெறும் Macy's Parade அணிவகுப்பு மிக பிரசித்தமானது. அதிகமான மக்கள் அங்கு கூடி தங்களுடைய உற்சாகத்தையும் மகிழ்ச்சியையும் கொண்டாடுகின்றனர். நேசிக்கும் நெஞ்சங்களின் அன்புக்கு நன்றி சொல்லி அன்பை இன்னும் ஆழப்படுத்தும் இந்த தேங்க்ஸ் கிவிங் ஒரு அழகான கொண்டாட்டமே.

- Inkpena சஹாயா