பஹ்ரைனில் விஜய் பிறந்த நாள்.. இனிப்பு.. அன்னதானம் வழங்கி ரசிகர்கள் கொண்டாட்டம்

குதைபியா, பஹ்ரைன்: பஹ்ரைன் விஜய் மக்கள் இயக்கம் சார்பாக இனிப்பு வழங்கி விஜய்யின் பிறந்த நாள் கொண்டாடப்பட்டது.

அத்தோடு நில்லாமல், தமிழகத்திலும் பஹ்ரைன் விஜய் மக்கள் இயக்கம் சார்பில் ஆதரவற்றோர் இல்லத்தில் நூற்றுக்கணக்கானோருக்கு அன்னதானம் வழங்கியுள்ளனர்.

இதுதொடர்பாக பஹ்ரைன் விஜய் மக்கள் இயக்கம் அனுப்பியுள்ள செய்திக்குறிப்பில் கூறப்பட்டுள்ளதாவது:

ஜூன் 22 அன்று தளபதி விஜய் அவர்களுடைய பிறந்தநாளை கொண்டாடும் வகையில் பஹ்ரைன் விஜய் மக்கள் இயக்கம் சார்பாக பஹ்ரைனில் உள்ள தொழிலாளர் விடுதியில் வசிக்கும் சுமார் 70 பேருக்கு உணவு பொருட்கள் மற்றும் இனிப்பு வழங்கி கொண்டாடினர்.

ஜூன் 21 ஆம் தேதி அன்று இரவு 8.30 மணிக்கு விஜய் ரசிகர்கள் சேர்ந்து குதைபியாவில் உள்ள அல் ஹம்ரா திரையரங்கில் தளபதி விஜய் அவர்களுக்கு பிறந்தநாள் கேக் வெட்டி கொண்டாடினர்.

எங்களது பஹ்ரைன் விஜய் மக்கள் இயக்கமானது பஹ்ரைனில் வசிக்கும் தமிழர்களுக்கு உதவும் வகையில் இயங்கும். பிறந்தநாள் அன்று பஹ்ரைன் மட்டுமின்றி தமிழ்நாட்டின் தென்பகுதியில் உள்ள ஆதரவற்றோர் இல்லத்திலும் பல நூரு பேருக்கு உணவு வழங்கப்பட்டது என்று தெரிவிக்கப்பட்டுள்ளது.

English summary

Vijay Makkal Iyakkam has celebrated Actor Vijay's birth day in Bahrain with cake cutting, sweet and food distribution.