செம்மொழி மாநாட்டையொட்டி தமிழ் விக்கிபீடியாவுக்கு தகவல் எழுதும் போட்டி

சென்னை: உலகத் தமிழ்ச் செம்மொழி மாநாட்டின் ஒரு அங்கமாக நடைபெறவுள்ள உலகத் தமிழ் இணைய மாநாட்டின் ஒரு பகுதியாக, கல்லூரி மாணவர்களுக்கு விக்கிபீடியா தகவல் பக்கம் எழுதும் போட்டி நடத்தப்படவுள்ளது.

இந்தப் போட்டியில், கலை, அறிவியல், பொறியியல், மருத்துவம், விளையாட்டு, வேளாண்மை, சட்டம், பிசியோதெரபி, சித்த மருத்துவம், பல் மருத்துவம், செவிலியர், கால்நடை மருத்துவம், பல தொழில்நுட்பப் பயிலகம் என பல்வேறு துறைகளைச் சார்ந்த அரசு, தனியார், நிகர்நிலைப் பல்கலைக்கழகங்களின் கல்லூரி மாணவ, மாணவியர்கள் போட்டியில் பங்கேற்கலாம்.

தகவல் பக்கங்கள் ஆதாரங்களின் அடிப்படையில் நடுநிலைமையுடன் அமைய வேண்டும். இனம், சமயம், அரசியல், தனிநபர் குறை, வேறுபாடுகள் தொடர்பாக வெறுப்பைத் தூண்டாதவாறு, தமிழ் விக்கிபீடியாவுக்கு ஏற்றதாக அமைய வேண்டும். தகவல் பக்கங்களில் உள்ள சொற்களின் எண்ணிக்கை 250 முதல் 500 வரை அமைய வேண்டும். தகவல் பக்கங்கள் ஏப்ரல் 30}ம் தேதிக்குள் நிறைவு செய்து http:// tamilint2010.tn.gov.in என்ற இணையதளத்திற்கு அனுப்ப வேண்டும். மேலும் விவரம் அறிய விரும்புவோர், http://ta.wikipedia.org என்ற இணையதளத்தைப் பார்த்து தெரிந்து கொள்ளலாம்.

போட்டியின் மூலம் தேர்வாகும் தகவல் பக்கங்கள், தமிழ் விக்கிபீடியாவில் இடம் பெறும். இந்தப் போட்டியில் ஏராளமான பரிசுகளும் உண்டு. லேப்டாப், எம்பி3 பிளேயர், டிஜிட்டல் கேமரா ஆகியவை பரிசாக அளிக்கப்படும் என அறிவிக்கப்ப்ட்டுள்ளது.