கற்றுக் கொண்டேன்- தமிழ் பாலா
காதலில் தோற்று விடுவோமோ என்று பயந்து
காதலை சொல்லாமல் விட்டேன்.
விளையாட்டில் தோற்று விடுவோமோ என்று பயந்து
விளையாட்டில் கலந்து கொள்ளாமல் விட்டேன்.
என் கருத்து தவறாகி விடுமோ என்று பயந்து
கருத்தை சொல்லாமல் விட்டேன்.
மேடை பேச்சிற்குப் பயந்து
பேசாமல் இருந்து விட்டேன்.
சற்று நின்று திரும்பிப் பார்த்தபோது
காதலும் இல்லை, வெற்றியும் இல்லை
நற்பெயரும் இல்லை.
கற்றுக் கொண்டேன்
தோல்வியைக் கண்டு பயப்படுவதால்
வெற்றி கிடைப்பதில்லை என்று.
கற்றுக் கொண்டேன்
தோல்வியே வெற்றியின் முதற்படி
என்பதன் உண்மையான அர்த்தத்தை.
கற்றுக் கொண்டேன்
வெற்றி பெற தோல்வியை முழுமையாக
ஏற்றுக் கொள்ள வேண்டும் என்று.
- தமிழ் பாலா ([email protected])
படைப்புகளை அனுப்ப:
கவிதை, கட்டுரை, சிறுகதை என படைப்பிலக்கியத்தின் எந்தக் கூறுகளிலும் உங்களதுஆக்கங்களை அனுப்பலாம். அனுப்ப வேண்டிய மின்னஞ்சல் முகவரி: [email protected]
படைப்புகளை அனுப்பும்போது, நீங்கள் எந்த எழுத்துருவை பயன்படுத்தியுள்ளீர்கள் என்பதை அறியத் தரவும்.