ஒரு காதலன் ஒரு காதலி

அவளுக்கும் அவனுக்கும்
அதிக வித்தியாசம் கிடையாது
அவர்கள் காதலர்கள்!

அவர்களை ஆழ்ந்து கவனித்தபோது
ஒரு வகையறியாத அமைதி தவழ்கிறது

அவனை ரசிக்க அவள் சிறிது நிற்பாள்
அவளை ரசிக்க அவனும் சிறிது நிற்பான்
கஷ்ட நஷ்டங்களை சமமாய் சுமக்கும்
அவர்களின் புரிந்துணர்வு எல்லை இல்லாதது

அவளில்லாமல் அவனில்லையாம்
அவனில்லாமல் அவளில்லையாம்
காதுபட புலம்புகிறார்கள்

அவனை ஒருநா முழுதும் தன்முதுகில் ...
அவளோடு ஒரு முறையேனும் கோவிலுக்குள் ...
இது அவர்களின் சின்ன சின்ன ஆசைகள்

மனசுளுக்கற்ற அவர்களது காதல்
இறந்த பின்னும் வாழும் காதல்

பொறாமையாய்தான் இருக்கிறது ...
காலார சிறிது வெறும்காலில் நடக்கின்றேன்
அவர்களும் தனித்திருக்கெட்டுமென்று ...

- சின்னதுரை
([email protected])

படைப்புகளை அனுப்ப:

கவிதை, கட்டுரை, சிறுகதை என படைப்பிலக்கியத்தின் எந்தக் கூறுகளிலும் உங்களதுஆக்கங்களை அனுப்பலாம். அனுப்ப வேண்டிய மின்னஞ்சல் முகவரி: [email protected]

படைப்புகளை அனுப்பும்போது, நீங்கள் எந்த எழுத்துருவை பயன்படுத்தியுள்ளீர்கள் என்பதை அறியத் தரவும்.