For Quick Alerts
ALLOW NOTIFICATIONS  
For Daily Alerts
Just In
Oneindia App Download

போராட்டம்

By Staff
Google Oneindia Tamil News

காணாமற் போய்
கன காலத்தின் பின்
நாமிருவரும்
சந்தித்துத் கொண்டோம்.

உன்னை நோக்கி
எனது -ஆயுதமும்
என்னைக் குறிவைத்து
உனது -ஆயுதமும்
நீண்டிருந்த ஒரு பொழுதில்
நாமிருவரும்
சந்தித்துக்கொண்டோம்.

இருவர் உடலிலும்
ஓடும் ரத்தம்
தமிழ் ரத்தம் தானென்று
ஐயமில்லாத போதிலும்,
-ஆணைகளை நிறைவேற்ற
-ஆயுதங்களைத்
தயாராய் வைத்திருந்தோம்.

யார் முதலில்
விசையிழுத்து
வெற்றி கொள்வதென்று
புரியாத போராட்டம்
எம்மிருவருக்குள்ளும்.
இப்போதுதானா
பாழாய்ப்போன
பாடசாலை ஞாபகங்கள்
வந்து தொலையவேண்டும்!

அடக்குமுறைக்கெதிராய்
-ஆர்ப்பாட்டம் நடத்தினதும்,
இரவோடிரவாய்
இராணுவ முகாமுக்கு
கல்லாலெறிந்ததுவும்,
தாயகம் காக்க
நான் முந்தி
நீ பிந்தி
கணாமற்போனதுவுமென
ஞாபகங்கள்
இப்போதுதானா
வந்து தொலைக்கவேண்டும்?
விடுதலைப்போரில்
இணைந்துகொண்டாலும்
இருவரும் வேறாய்;
எனக்கு நீயும்
உனக்கு நானும்
துரோகிகளாகவா
சந்திக்கவேண்டும்?

உன்கையில்
தாழும் சுடுகலன்கள்
தயக்கத்தைச் சொன்னாலும்
பற்றியிருந்த கைகள்
உறுதியைச் சொல்லின.
நானும்தான்
என்னதை
இன்னும்
இறுக்கமாகப் பற்றுகிறேன்.

சிலநிமிடநேரப்
போராட்டத்தின் பின்
புரிந்து போகின்றது!
உன்னால் என்னையோ
என்னால் உன்னையோ
சுட்டுவிட முடியாது
இன்னொருத்தர் வந்து
இருவரையும் சுடும்வரை
காத்திருக்கின்றோம்.

காணாமற் போய்க்
கனகாலத்தின் பின்
நாமிருவரும்
சந்தித்துக்கொண்டோம்.

சந்தித்த பொழுதில்
இன்னும் மிச்சமிருந்தது
நட்பா? கொள்கையா?
மனப்போராட்டம்.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X