• search
For Quick Alerts
ALLOW NOTIFICATIONS  
For Daily Alerts

வேர்கள்

By Staff
|

வெங்காய வேர்

நாருருவேர்.

மிளகாயின் வேர்

ஆணிவேர்.

வித்தியாசம் படிப்பித்தார்

விஞ்ஞான வாத்தியார்.

நீள் வேர் ஒன்று

மண்ணுள் புதைந்திருக்கும்.

அதனை

பக்கவேர்கள் சுற்றிப்

படர்ந்திருக்கும்.

மூலவேர்

ஆதாரம்;

ஆணிவேர்.

ஆளுக்கொரு திசையில்

ஒன்றுக்கொன்று சளைக்காமல்

பற்றிப் படர்ந்திருக்கும்;

பக்க வாட்டுப் பரப்பில்

பரந்து வேரோடும்;

நாருருவேர்கள்.

தாத்தா ஆணிவேர்.

தாத்தாவின் தாத்தாவும்

அவரின் தாத்தாவும்

ஆணிவேர்கள்.

ஆழவேரோடிப்

பக்க வேர்களாக

பிள்ளைகள் புடைசூழ

வாழ்ந்திருந்த

ஆணிவேர்கள்.

அப்பா கூட

தாத்தாவைச் சுற்றிய

பக்க வேர்தான்.

சித்தப்பா பெரியப்பா கூட..!

ஆனாலும் அவரால்

ஆணிவேராய்

இருக்க முடியவில்லை;

நாங்கள் தான்,

நாருருவேர்களாய்

ஆளுக்கொரு நாட்டில்

வேர்விட்டுக் கொண்டோமே.

நாங்களும்

பற்றிப் படர்ந்து

ஆளுக்கொரு திசையில்

வளர்ந்துவிட்டாலும்,

ஆணிவேராய்

ஆழ

வேரோட முடியவில்லை.

நாளைக்கு..

எங்கள் பிள்ளைகள்

எந்த நாட்டிலோ?

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X