புதுவருடம்- கோவி.கண்ணன்

சித்திரை வருகிறது, தமிழர்கள் இன்னும்
நித்திரையில் !
வெள்ளித்திரையில் புதுவொளி பாய்ச்ச
வரிசையாய் புதுப்படங்கள் !

சந்திரமுகியாம், சச்சினாம்,
மும்பை எக்ஸ்பிரஸாம் !

தமிழ்பேசி, மாற்றுமொழிபெயரின்
முகவரியில்,
மும்பை நடிகைகளிடம் முகம்புதைத்து,
முகம் காட்டும் முக்கிய நடிகர்களின்
தமிழ்ப்பற்று வெட்ட வெளிச்சம் !

தமிழ் எங்கள் மூச்சு, பேச்சு
என்றெல்லாம் வசனம் இருக்கும்
யாரும் கவலைப்பட வேண்டாம் !

தமிழ் உப்பு, வியர்வை, தாகம் இன்னும்
தமிழ் மணக்கும் செய்திகளும் தயார் !

இறுதி காட்சியில்
உறுதியை ஊக்குவிக்க
குறுதி குளிரவைக்கும்
காட்சிகளுடன் வருகிறது !

நம் உழைப்பின் பொற்காசுகளை
காணிக்கை செலுத்தி, திரை
முழக்கங்களை முகர்ந்து,
தமிழ் புத்தாண்டை
இனிதே கொண்டாட
தயாராகுவோம் !

- கோவி.கண்ணன், சிங்கப்பூர்([email protected])

படைப்புகளை அனுப்ப:

கவிதை, கட்டுரை, சிறுகதை என படைப்பிலக்கியத்தின் எந்தக் கூறுகளிலும் உங்களதுஆக்கங்களை அனுப்பலாம். அனுப்ப வேண்டிய மின்னஞ்சல் முகவரி: [email protected]

படைப்புகளை அனுப்பும்போது, நீங்கள் எந்த எழுத்துருவை பயன்படுத்தியுள்ளீர்கள் என்பதை அறியத் தரவும்.