சொல்லாமலே..

உன்னை காதலிக்கிறேன்

எனச் சொல்லித் தொலைத்தால்..

உன்னை முழுமையாய்

கிண்டடிக்க முடியாது

உனக்கு பிடிக்காததை உணர்ந்து

என் பேச்சை சென்சார் செய்யனும்

உன்னையே நினைத்துக்

கொண்டிருந்தாலும்

உன்னையே நினைத்துக்

கொண்டிருப்பதாய்

சொல்லியாகனும்

மரியாதை தருவதாக வேறு

மனமாற நடிக்கனும்

உனக்கு பிடித்த மாடலில்

உன்னைக் காதலிக்கணும்

ஆனால்..

நட்பு மட்டும்தான் என்றால்

எனக்கு பிடித்தாற்போல்

உன்னைக் காதலிக்கலாமே..

சிக்கும் வரை தூண்டிலை

பிடித்திருக்கும் பொறுமை

சிக்கியபின் துளியும்

இருப்பதில்லை உங்களுக்கு

சிக்கினாலும் சிக்காததாய்

காட்டிக் கொள்வதில்

சிக்கலேதும் எங்களுக்கில்லை

சிக்காதவரை மீனுக்கு மகிமை

எனவே என் காதலனே..

நீ காதலனாகி, கணவன் ஆகி, அப்பா ஆவது இருக்கட்டும்

முதலில் காதலனாகாமல்

பார்த்துக் கொள்கிறேன்- சரியா

-பத்ம ப்ரியா([email protected])

இவரது முந்தைய படைப்புகளைக் காண இங்கே அழுத்தவும்

படைப்புகளை அனுப்ப:

கவிதை, கட்டுரை, சிறுகதை என படைப்பிலக்கியத்தின் எந்தக் கூறுகளிலும் உங்களதுஆக்கங்களை அனுப்பலாம். அனுப்ப வேண்டிய மின்னஞ்சல் முகவரி: [email protected]

படைப்புகளை அனுப்பும்போது, நீங்கள் எந்த எழுத்துருவை பயன்படுத்தியுள்ளீர்கள் என்பதை அறியத் தரவும்.