பூந்தோட்டம்

இடது மதில் சுவரில் படர

நித்ய மல்லி

வலது பக்கத்திற்கு ஜாதி

பின்புற மதிலில் அடுக்கு மல்லி
கூடவே வெறும் மல்லி
வாயில் பிறை வளைவில்
பிடித்து படர கொடி சம்பங்கி

அடர்த்தியாய் சிரிக்க
அடுக்கு செம்பருத்தி
ஆசைக்கு சிவப்பு ரோஜா
ஆன்மீகத்திற்கு செவ்வரளி

முடிந்தால் மூலையில்
முல்லைக் கொடியொன்று

சிறு வெந்தயம், கொத்துமல்லி
சிந்தினாற் போல் சிறுகீரை

அவ்வளவும் இந்த
அரை கிரவுண்ட்
அடுக்ககத்தில் வளர்க்க
ஆசை என்றதும் என்னை
அடித்து துவைக்கும்
ஆவேசத்தில் என்
அகத்தினர்

ஆனாலும் அடமாய்
ஆறேழு தொட்டிகளில்
முளைக்கவே முளைக்காத
வெந்தயம், மல்லி
மொட்டே விடாத ரோஜா
மூன்றே இலை மனி பிளான்ட்

அறுவடையை மேற்பார்வையிடும்
நிலக் கிழாத்தி போல்
அதிகாலையில்
அரையடி தொட்டியை ஆராய்கையில்

ஐ.. .. சின்னூண்டு வேப்பங்கன்று
எங்கிருந்து வந்தாயடி நீ?
என்னிடம் ஏன் சேர்ந்தாயடி?

- பத்மப்பிரியா([email protected])

இவரது முந்தைய படைப்புகளைக் காண இங்கே அழுத்தவும்

படைப்புகளை அனுப்ப:

கவிதை, கட்டுரை, சிறுகதை என படைப்பிலக்கியத்தின் எந்தக் கூறுகளிலும் உங்களதுஆக்கங்களை அனுப்பலாம். அனுப்ப வேண்டிய மின்னஞ்சல் முகவரி: [email protected]

படைப்புகளை அனுப்பும்போது, நீங்கள் எந்த எழுத்துருவை பயன்படுத்தியுள்ளீர்கள் என்பதை அறியத் தரவும்.