நடைபாதைத் தொழிற்சாலைகள்

அவர்கள் தெருவோரத்து தொழிற்சாலைகள் .. "பத்தினித்தனம்" செத்து விட்ட முதல் நாளின் மலர்களைச் சிக்குத் தலையில் சுமந்து கொண்டு சரிந்து கொண்டிருக்கும் "லதனங்களை" கடைபாடிகளில் நுழைத்துக் கொண்டு .. இருட்சந்தின் மூலைகளில் காலியான இரைப்பையின் "சங்கேதத்தை" வெளிப்படுத்துகின்ற அவர்கள் ...! "தெருவோரத்துத் தொழிற்சாலைகள்" அவர்களுடைய கர்ப்பப் பைகள் பட்டம் பெறாத "மருத்துவச்சிகளால்" டெட்டால் வாசனை அறிந்திராத குடைக் கம்பிகளைக் கொண்டு அடிக்கடி சுத்தீகரிக்கப்படுகின்றன ஆனாலும் ...! எப்படியோ சில வேளைகளில் அந்தத் தொழிற்சாலைகளுக்கும் சில .. "கிளை நிறுவனங்கள்" ஏற்பட்டு விடுகின்றன ...