பொறுத்திரு- ஷைலஜா

பூமியேஉனக்கும் புதை குழி
தோண்டி வருகிறோம்
புகையிலைப் படுக்கை
தயார் செய்து
ஆலைப் புகையிட்டு
பிளாஸ்டிக் மாலை அணிவிக்க
ஆயத்தமாகி விட்டோம்

நிலத்தடி நீரை
ஆழ் கருவி கொண்டு
பலங்கொண்ட மட்டும்
உறிஞ்சி எடுத்தாயிற்று

உனது மஞ்சக்காணி
சொத்தாம் காட்டை
சாமிக்குப் படையல் வைப்பது போல்
காட்டி விட்டு விருப்பப்படி
கூறு போட்டு அடுக்குமாடிக் கட்டடங்களை
கட்டிக் கொள்கிறோம்

நீயும் உன் கோபத்தை
ஒரு கோபக் குலுக்கலில்
நியாயமாய் தெரிவித்தாய்
புரிந்து கொள்ளவில்லை நாங்கள்
அல்லது

புரிந்தும் புரியாதது போல்
அலட்சியமாய் இருக்கின்றோம்
இரண்டுமே மெய்தான்

உன் மூச்சு எங்கே
தேடுகிறாயா என்ன?
அதைத்தான் கார்பன் மோனாக்சைடில்
பத்திரப்படுத்தி உள்ளோமே?

கவலைப்படாதே என்றாவது
நாங்கள் திருந்துவோம்
இயற்கை மீதும் அக்கறை செலுத்துவோம்
அதுவரை பொறுத்திரு
பூமிப் பெண்ணே!

- ஷைலஜா([email protected])