• search
For Quick Alerts
ALLOW NOTIFICATIONS  
For Daily Alerts

-ப்ளாஸ்டிக் மனசு- ஷைலஜா

By Staff
|

மண்ணில் செய்த பொம்மையெல்லாம்

மறைந்தே போகும் காலமிது

கண்ணில் காணும் பொருட்களுடன்

மனதும் பிளாஸ்டிக் ஆகிறது

கூட்டுக் குடும்பம் என்பதெல்லாம்

குறைந்தே போகும் காலமிது

தீவுத்திடலாய் வாழ்ந்திடவே

திட்டம் போட்டு மனம் இசைகிறது

சுயநலம் ஒன்றே குறியாக

சுரண்டி வாழும் காலமிது

கயமைகள் மனதில் புகுந்ததினால்

கனியும் அன்பும் மறைகிறது

இலக்குகள் உணராப் பறவையைப்போல்

இங்குமங்கும் திரியும் காலமிது

விளங்கிக்கொள்ளவும் வழியின்றி

வீணாய்ப் பொழுதும் கரைகிறது

எங்கே போவதென்றறியாமல்

எதற்கோ அலையும் காலமிது

தங்களை மறந்தே ஓடுவதில்

மனம் தடுமாறித்தான் போகிறது.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X