• search
For Quick Alerts
ALLOW NOTIFICATIONS  
For Daily Alerts

கொண்டு வந்தவை

By Staff
|

பசிக்கிறது என்றபடி வந்தார்கள்

முதுகுச்சுமையைக் கழட்டி வைக்கிற

அவசரத்தில் வந்தார்கள்

மார்க்குகளைச் சொல்லி

மகிழ்கிற வேகத்தில் வந்தார்கள்

குறைந்துபோன மார்க்குகளுக்குக்

காரணம் தேடுகிற தயக்கத்தில் வந்தார்கள்

மாலையில் விளையாடப் போகிற

அவசரத்தில் வந்தார்கள்

ஆசிரியைகள், தோழர்கள் பற்றிய

கதைகளுடன் வந்தார்கள்

உடற்பயிற்சி வகுப்பில் ஓடும்போது

அடிபட்டுக்கொண்ட காயத்துடன் வந்தார்கள்

வீட்டுப் பாடம் செய்யவேண்டுமென்றும்

வகுப்புத் தேர்வுக்குப் படிக்க வேண்டுமென்றும்

கடமைகளுடன் வந்தார்கள்

வருகிற விடுமுறை குறித்தான

உற்சாகத்துடனும் கனவுகளுடனும் வந்தார்கள்

நண்பனுடன் சண்டை போட்டுவிட்டு

நட்பைப் பற்றிய குறைகளுடன் வந்தார்கள்

வகுப்புத் தோழர்கள் வைத்திருக்கிற

விளையாட்டுப் பொருள்கள் வேண்டுமென்ற

கோரிக்கைகளுடன் வந்தார்கள்

எதுவும் எடுத்துவராமல்

சொல்வதற்கு ஒன்றுமில்லை என்கிற

முதிர்ச்சியுடன் வந்தார்கள்

எதையெடுத்துக் கொண்டு

உள்ளே நுழைந்தாலும்

இல்லாமல் போயிருந்த

புதிய சந்தோஷம் ஒன்றையும்

ஒவ்வொருமுறையும்

உடனழைத்து வந்தார்கள்

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X