பருவமே. . . !!

என்னிடம் கை குலுக்கியோர் பலர்
கைக்கோர்த்துக் கொண்டதோ சிலர்
சிநேகமாய் எனை நோக்கிச்
சின்னதோர் கேள்விக்கணை !

நீ . . . காதல் திருமணமா ?

காதற்பல கண்டேன்
கைத்தலம் ஒன்று கொண்டேன்

மீண்டும் கேள்விக்கணை!
பார்வையால். . .

காதலுக்குக் கண் மட்டுமா இல்லை
கணக்கும்தான் இல்லை
என்னுருவமும்
இரு உள்ளங்களை ஈர்த்தனவே

ஒருமையாயிருந்தால்
உயிருள்ள காதல்
இது என்ன பன்மை

மீண்டும் ? ? ?

ஒன்றின் தோல்விக்குப் புனுகு தடவ
மற்றொரு காதல்
இரண்டுமே ரணமாகிப் போனதால்
திருமணமே மருந்தாகிப் போனது
மூன்றாவது
முன், பின் தெரியா மாதுடன்!

இந்த நகைச்சுவையே
இன்னும் என்னை வாழ்விக்கிறது!

எனை மட்டுமா?

அது சரி !
நீங்கள். . . காதல் திருமணமா?