நனையும் அந்தக் குன்று

நீ சொல்லாது போய்விட்ட கவிதையை
வரிவரியாய் யோசிக்கின்றன வயல்கள்

வரிகளுக்கிடையில் உறையும்
மெளனத்தை கேட்கின்றன முகில்கள்

ஒரு பக்கத்தைப் புரட்டியது போல்
பறந்தது வெண்கொக்கு

கவிதை என்பது ஒரு நிகழ்வு
என்று நனைகிறது என் இருப்பு

கவிதையென்பது ஒரு தருணம்
எனக்காத்திருக்கிறது மழையில்
நனையும் அந்தக் குன்று.

(காடனூர், குடகில் ஒரு வயற்காட்சி. புகைப்படம்: Jens Eichler)