போய் வா வீரனே!

விடுதலைப்பொறி பறக்க
வீரம் விளைந்தெடுக்க
பாலஸ்தீனக் குரலை - அகிலமெங்கும்
பரப்பியவன்

படை பல கடந்து
தடைகளுடைத்து
விடுதலை பாதையில் -
வியக்கவைத்த சரித்திரம்

வான்படைகளை
வெந்தணல் உளத்தால்
உழுது - விடுதலை விதையை
விதைத்தவன்

பாலஸ்தீன வானில் இருள்
விடுதலை தேவியின் - கண்ணீர்
அகிலத்தின் வேதனை
மரணத்திலும்
மடியாத காவியம்

மறுமுறை பிறக்க -- நீ மனிதனல்ல!
விடுதலைக் கதிரவன்
விடுதலை நெருப்பில்
விடியல் பிறக்கும்
புலரும் பாலஸ்தீனம் - நின்
புகழொலிக்கும்
யாசர் அராபத்!
தேசங்கள் எங்கும் முழங்கும்
தேசம் படைக்க- - வாழ்ந்த நின்
சரித்திரம்
போய் வா -- விடுதலைப்
போர் வீரனே !