• search
For Quick Alerts
ALLOW NOTIFICATIONS  
For Daily Alerts
Just In

அக்னி நட்சத்திரம்

By Staff
|

ஆசை மொழி பேசவும்

ஆதுரமாய் அணைக்கவும்

அப்பா வேண்டுமென்று

அழுதது ஆயிரம் முறை

பள்ளிக்கும் பார்க்குக்கும்

கைகோர்க்கும் பாக்கியமில்லை

எனக்குத் தந்தை

இனிஷியலில் மட்டும்தான்

அப்பன் பெயராவது

அறிந்த விஷயம்

அதிக சந்தோஷம்

அளிக்கவில்லை

தொடுப்பு மகனென்று ஊர்

தூற்றும் போது

துக்கம் அடைக்க

தூக்கம் தொலைத்தேனே

கொஞ்சம் கொஞ்சமாய்

நடக்கும் கொலைக்கு

கர்ப்பத்திலேயே என்னை

கலைத்திருக்கலாம்

அறியாத இரவுகளில்

புரியாத சப்தம்

காலையில் எழுந்தவுடன்

கனவுகள் வலிக்கும்

அப்பா வந்து வழமையாய்

அவசரமாய் வெளியூர் போகும்

அம்மா சொன்ன பொய்யின்

உண்மை சுடும்

உன் உயிலில்

பங்கு வேண்டாம்

உன் சொந்தங்களின்

பந்தமும் வேண்டாம்

அரையிருட்டு உறவுக்கு

அர்த்தம் கொடுப்பாயா?

உந்தன் விந்தினில் விளைந்ததை

உலகிற்கு உரைப்பாயா உரத்து?

மகனேவென்று மடியில் கிடத்தி

ஆண் குந்தியாய்

அழுவேனென்று சொல்

மரிக்கின்றேன் இப்போதே

முடியாவிடில் சொல்லி விடு

விபரம் தெரியும் வயதில்

கரத்திற்கு வலு வரும்

காத்திருப்பேன் அதுவரை

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X